InfoHub Logo

Hımıa 8 synyp
Sabaqtyń taqyryby: Sýdyń quramy, fızıkalyq jáne hımıalyq qasıetteri, mańyzy

Sabaqtyń maqsaty: Oqýshylardy sýdyń sapalyq, sandyq quramyn anyqtaý ádisterimen, sýdyń hımıalyq qasıetin qarastyra otyryp, beıorganıkalyq qosylystardyń jańa klasy – negizdermen tanystyrý, tabıǵattaǵy aınalymyn, sýdyń tirshilik úshin mańyzyn túsindirý, reaksıa teńdeýlerin saýatty jazýǵa úıretý. Klastar arasyndaǵy baılanystardy mysaldarmen kórsetý, negizderdiń, qyshqyldyq jáne negizdik oksıdterdiń quramyn salystyra otyryp, negizge uqsastyqtary men aıyrmashylyqtaryn anyqtaý.
Tárbıelik: uıymshyldyqqa, iskerlikke, otansúıgishtikke tárbıeleý. Tabıǵat baılyǵyn qorǵaýǵa, týǵan jerge degen súıispenshilikke baýlı otyryp ekologıalyq tárbıe berý
Damytýshylyq: suraq – jaýap, esep shyǵartý, Oıyn elementterin qoldaný arqyly logıkalyq oılaý qabiletin damytý, oı – órisin keńeıtý, óz oılaryn erkin jetkizý daǵdylaryn qalyptastyrý.
Sabaqtyń ádisi: túsindirý, baıandaý
Kórnekiligi: Interaktıvti taqta, slaıdtar, testter, sý, stakan, ák, synaýyq.

Sabaqtyń barysy:
İ Uıymdastyrý
Oqýshylardyń sabaqqa qatysýy men oqý quraldarynyń ázirligi tekserilip, nazaryn sabaqqa aýdaramyn.

İİ. Úı tapsyrmasy “Sen bilesiń be?
1. Eritindi degenimiz ne?
2. Sýtegi janǵanda alynatyn zat?
3. Zattar erigishtigine baılanysty neshege bólinedi?
4. Eritkish degenimiz ne?
5. Suıyqtyqtardyń jáne gazdardyń sýda erýiniń aıyrmashylyǵy qandaı?
(Gazdardyń sýda erigishtigi temperatýra tómendegende jáne qysym joǵarylaǵanda artady)
«Kedergilermen kóterilý»
Hımıalyq satymen kóterile otyryp, oksıdter formýlasyn quryp jaz. Olardy ata.
Test
1). Sýda jaqsy erıtin zattardy kórset?
A) ósimdik maıy, qant, tuz B) spırt, glıserın, amıak V) benzın, spırt, sýtek
2) Ottegini ónerkásipte qandaı ydysta saqtaıdy?
A) gazometrde B) bolat balonda V) dúar ydysynda
3) Laboratorıada ottegini qalaı alamyz?
A) suıyq aýany aıdaý arqyly B) KMnO4 qyzdyrý arqyly V) ekeýi de emes
4) Mólsheri 3 mol ottek gazy q. j - da qansha kólem alady?
A) 22, 4 b) 44, 8 l v) 67, 2 l
5) Myna qosylystaǵy KMnO4 marganestiń totyǵý dárejesi neshege teń?
A) +5 b) +6 v)+7

İİİ. Jańa sabaq
Oqýshylarǵa sýdyń sapalyq quramyn biletinin eskere otyryp, ony eske túsirý maqsatynda tómendegi suraqtar qoıylady.
1. Sýtegin sýdan alý ádisterin jáne olardyń reaksıa teńdeýlerin jaz.
Nátıjesinde sý túziletin reaksıa teńdeýlerin jazyp, qaı tıpke jatatynyn ata.