InfoHub Logo

Erte zamanda sıyr syzylǵan kerbez, sýyryla shapqan júırik bolypty. Ári asqan tákappar, maqtanshaq ta eken.

         Bir kúni álgi sıyr atpen eregisip qalyp, ekeýi jarysqa túsýge ýáde baılasady. Burynǵy ótken jarystardyń bárinde sıyr báıge bermeıdi eken. Osy joly attan da ozyp, tórt aıaqty janýarlardyń arasyndaǵy eń júırigi degen ataqqa birjola ıe bolýdy maqsat etedi.

         Kómbege tóreshi bolyp arystan keledi. Bástiń jaıyn uqqan soń, at pen sıyrdy bir kúnshilik jolǵa jolbarys aıdap baryp, ekeýin qatar turǵyzyp qoıady da ókirip turyp, keri qaıtýǵa belgi beredi.

         Quıryǵyn kókke shanshyp alyp, tanaýy pysyldap, sıyr á  degennen-aq qarasyn úzip, zýlaı jóneledi.

         Sıyrdyń artynan jeldeı júıtkip, údeı shaýyp, at kele jatady. Jol ortasynda básekelesýshilerge sýsyn berý úshin sýyr tosyp otyrady.

         Bir kezde oza shaýyp, elirgen sıyr sýyrǵa jetip keledi de:

         — Sýyr sasyq, sý qaıda? – deıdi.

         Sıyrdyń tákappar minezine renjip qalǵan sýyr:

         — Sıyr sasyq, sý munda, – dep, sasyp, borsyp ketken laı sýdy ustata salady. Shańyrqap, shóldep kelgen sıyr sýdyń qandaı ekenine qaramastan, simirip jiberedi de odan ári shapqylaı jóneledi.

         Ári-beriden soń, sýyrdyń qasyna sharshap, shóldep at keledi.

         — Sýyr suńqar, sý qaıda? – deıdi erkeletip.

         — Jylqy tulpar, sý munda! – dep, sýyr móldir, tunyq sýdy atqa ustata beredi. Taza, tunyq sýǵa qanyp alǵan at boıyna tyń qýat qosylǵandaı bolyp, qustaı ushyp, samǵaı jóneledi.

         Sasyq, laı sý keýdesin alyp qalǵan sıyr onsha uzap kete almaıdy da eki-úsh qyrdy asqan soń, ony at qýyp jetip, janynan jeldeı júıtkip óte shyǵady. Sodan kómbege birinshi bolyp jetedi.

         Sodan beri jylqy tórt aıaqty janýarlardyń ishindegi júırigi bolyp qalypty. Keýdesin laı, sasyq sý alyp qalǵan sıyr sodan beri shabandap, júgire almaıtyn kúıde qalady. Sıyrdyń jatqan kezde yńyrana kúrsinetini - óziniń astamshylyq etip, sýyrǵa aıtqan dóreki sózine kúni búginge deıin ókingeni eken desedi.

---