InfoHub Logo

— Qudaǵı, súıinshi!..

— Qalaǵanyńyzdy alyńyz.

— Qajet emes pulyńyz,

Sózime qulaq salyńyz.

— Qulaǵym sizde, quda,- dep

Qasyn kerip nazdandy.

— Sodan beri jıyrma qys,

Jıyrma kóktem jaz qaldy.

Qońyraýly kúz,

Qońyr kúz

Umytarmyz qalaı ony biz?!

Nemere men shóbere

Ońymyz ben solymyz.

— Bir Allanyń bergeni

Jalǵasady jolymyz.

Qartaıtqanmen bizderdi

Urpaǵymyzdy túletti.

— Aıtpańyz endi, qudaǵı,

Súısinip oqyr siz ylǵı,

Bóbekterdiń úni derlik,

Sóıleıtuǵyn tili derlik,

Kóretuǵyn kúni derlik,

Táýelsiz el nury derlik,

Táýelsizdik jyry derlik.

Kúndeı shalqyp,

Aıdaı tolǵan

Ana tilge, salt dástúrge

Týǵan kúnnen bolǵan qorǵan.

«Aınalaıyn» jıyrmada

Jórgeginde ana tiliniń

Asyl dini, tininiń

Joqshysy bolyp er jetti.

— Osy sóziń, áı, quda,

 Saldy eske bul  kepti.

Ol kezde qazaq tilin men

Jatsynyp biraz «búlingem».

— Júzindegi ókinish ańǵartady kóp jaıdy,

Mundaı iske, árıne, ókinbeýge bolmaıdy.

— Alla!- dedim birde men

 Estip turǵan nemerem:

— Áje,- dedi  kenetten,-

Alla deısiń ámanda

Eskertesiz siz óktem,

«Alla» dep aıt» dep maǵan da.

Sol Allańyz jer-kókti

Neshe kúnde bar etti?..

Saýaly sana terbetti.

Tek, áttegen,

Men tipten bilmeıdi ekem bul kepti.

— Bilmeımin,- dedim,- bilmeımin

Nemeremniń maǵan kúlgenin

Kórseńiz ǵoı sol sátte.

Dedi sońsoń tym baıaý:

— Oqyńyzshy mynany!

Ejeledim, qudaı-aý!

Tuńǵysh ret tushyndym,

Ana tilin túsinip.

«Aınalaıyn» eken ol

Sodan beri men oǵan

El qatarly sozdym qol.

— «Aınalaıynnan» aınaldym,

Tabystyrǵan ana tilimmen,-

Dedi daǵy qudaǵı

Qudasyn tórge bastady.

— Qaıtemiz terip basqany,

Qupıa syryn ǵalamnyń

Bilimdi ǵana iledi,

Qupıasyn asha biledi,-

Desip olar:

«Aınalaıynǵa» ǵumyr tiledi.

Oqyp seni er jetsin,

Elimniń qurysh - bilegi,

Toqtamas máńgi júregi.

Oqyp seni qaınasyn,

Namysy, qaırat - jigeri.

Qabyl bolsyn,

«Áýmın»

Úlkenderdiń tilegi!

---