InfoHub Logo

Taqyryby: «Sıqyrly áripter eline saıahat»

Bilim berý salasy: Qatynas
Uıymdastyrylǵan oqý is - áreketi: Saýat ashý jáne jazý negizderi.
Maqsaty: Balalardy áriptermen tanystyrý, sózge dybystyq taldaý jasaı bilý, býyn týraly túsinikterin keńeıtý, oılaý qabiletin, qıalyn damytý. O dybysy men árip tańbasymen tanystyrý.
Kórnekiligi: Úlgi sýretter, áripter kasasy, dápterler, teksheler, qolaına.
Metodıkalyq ádisi: kórsetý, túsindirý, áńgimeleý, suraq - jaýap, qorytyndylaý.

Motıvasıalyq qozǵaýshy
Tárbıeshiniń is - áreketi
- Qaıyrly tań, balalar! Men sendermen kezdeskenime óte qýanyshtymyn.
- Balalar búgingi kóńil - kúıleriń qalaı?
- Endeshe búgingi bizge kelgen qonaqtarmen barlyǵymyz birge amandasyp alaıyq.

Balalardyń is - áreketi
- Sálemetsiz be apaı!
(Balalar tárbıeshimen birge shattyq sheńberin jasaıdy.)
Alaqaı kelińiz!
Daıyn tur tórimiz.
Kelińiz. kelińiz,
Bizge rıza bolyńyz
Balalar kelgen qonaqtarmen amandasty.

Tárbıeshi: - Balalar, oıyn oınaımyz
Oıyn: «Dybystardy sýretke túsir»
Maqsaty: daýysty, daýyssyz dybystardy qaıtalaý.
- Balalar sender ózderińdi sýretshimiz dep esepteńder. Men bir dybys aıtam sender sony tez sýretke túsirip alyp, ony maǵan kórsetesińder. Daýysty dybys bolsa qyzyl tekshe, daýyssyz dybys bolsa kók tekshe.
Balalardyń áreketi: A, Y, Q, P, M, Ǵ, N, T

İzdený – uıymdastyrýshylyq kezeńi
Tárbıeshi:
- Jaraısyńdar balalar biz osy kezge deıin kóptegen áriptermen tanystyq, olaı bolsa sol áripterdi taqpaqtar arqyly eske túsireıik.
Uldana:
Ata - ananyń tilegi,
Adam bolyp óskeniń.
Adamdyqtyń tilegi,
Adal bolyp óskeniń.
Arýjan:
Maqtalardy maqtaımyz,
Maqtany kóp qaptaımyz.
Masa jaıly maqtaǵan
Málimet esh tappaımyz.
Amandyq:
Qarǵa, qarǵa, qarǵalar,
Qar ústinde jorǵalar.
Aıdyn:
Ata - anańmen baryp sen,
Pildi kórdiń parkten.
Osy ataýǵa zer salshy,
Bastalǵan P árippen.
Ádilet:
Nan pisirem desem men,
Nurjan nege nanbaısyń?
Nanbasań sura Nurbekten
Naǵashym meniń naýbaıshy.
Tárbıeshi:
- Balalar men senderge jumbaq jasyram:
Aıtamyz, estımiz.
Estımiz, aıtamyz.
Ol ne? Dybys