InfoHub Logo

Belgili kásipker ári Respublica partıasynyń teń tóraǵasy Syrymbek Taý Qaz365.kz tilshisine bergen suhbatynda dosy Rýslan Berdenovtiń densaýlyǵy jaqsaryp kele jatqanyn aıtty.

Onyń sózinshe, Berdenov ózdiginen ornynan turyp, kúnine 9-10 qadam basa bastaǵan. Sonymen qatar sóıleý qabileti de qalpyna kelýde.
«Basynda shetelge emdeýge jiberemiz dep oılaǵanbyz. Biraq Qytaı, Ońtústik Koreıa, Japonıa, Germanıa jáne Aýstrıa dárigerlerine habarlasqanymyzda, olar shymkenttik dárigerlerdiń kásibı deńgeıine joǵary baǵa berdi. Olar shuǵyl ári durys ota jasaǵanyn aıtyp, Shymkentte qaldyrýdy usyndy», – dedi kásipker.

Sonymen birge Syrymbek Taý osy oqıǵaǵa qatysty basty kúdiktiniń ákesiniń pikirin qoldaıtynyn jetkizdi.
«Kúdiktiniń ákesiniń “kelinimdi aralastyrmańdar” degen sózimen kelisemin», – dedi ol.