Tabaıdyń tapqyrlyǵy
Tabaı sheshen týmysynan qoly tar kisi bolǵan eken. Sol kisi birde jolaýshylap kelip túse qalǵan Shegen bıdiń bir balasyn úıine qondyrmaı jiberipti. Sodan ózi birde Shegenge sálem bereıin dep barsa, Shegenniń ózi úıde joq eken. Baıaǵy ózi úıine qondyrmaı jibergen balasy Tabaıdy tanyp:
«Dúnıe kezek degen, aqsaqal, anada úıińizge qondyrmaǵanyńyz esińizde bolar, endi siz de bul úıge qona almaısyz, jolyńyzdan qalmaı júre berińiz» — dep túsirmeıdi.
Bala aıtty dep kete beretin Tabaı ma, atty borbaılata bir salyp, qotannyń ortasyna barady da, bar daýysymen oıbaıǵa basady:
— Baılyqty suradyń — talaspadym, berdim, Shegen, oıbaı,
Batyrlyqty suradyń — talaspadym, bardim, Shegen, oıbaı!
Bılikti suradyń — talaspadym, berdim, Shegen, oıbaı!
Ózime qonǵan qý sarańdyq edi, berdim, oıbaı, berdim! — dep, atty basqa tartyp jiberedi.
Alǵashqy daýys shyqqanda úreılene syrtqa shyqqan Shegenniń báıbishesi Tabaıdy tanyp, júgirip kelip shalbyryna oralady. Jalynyp-jalpaıyp, attan túsirip, balasyna keshirim suratyp, at-ton aıyp tóleıdi.
You Might Also Like
-
Baıaǵyda bir kedeı ómir súripti. Ol qansha tyrbansa da, jarlylyqtan qutyla almaǵan kórinedi. Ábden zyǵyrdany qaınaǵan kedeı bir danyshpannan aqyl suraı barypty.
-
Janqutty sheshen bir kúni qypshaq dýanbasy Ybyraıdyń úıine keledi. Ybyraı ımenetin, nemese erekshe syılaıtyn kisi bolmasa, kez kelgen adamdy ózi otyratyn úıine kirgizbeı, qonaq úıine túsirtedi eken. Dý...
