InfoHub Logo

Mańǵystaý oblysy, Túpqaraǵan aýdany,
Baýtın aýyly, «Aqbota» balabaqshasynyń tárbıeshisi
Janabaeva Shynar Kııkbaevna

Bilim berý salasy: Tanym
Oqý is - áreketi: Qorshaǵan ortamen tanystyrý.
Taqyryby: Tabıǵat qubylystary
Maqsaty: Balalarǵa tabıǵat qubylystary týraly túsindirý.
Jumbaqtar sheshý arqyly oı - óristerin damytý.
Tabıǵatty qorǵap, aıalaı bilýge tárbıeleý.
Ádis - tásilderi: kórsetý, túsindirý, suraq - jaýap, áńgimelesý, oıyn.
Kórnekilikter: tabıǵat qubylystarynyń sýreti: bult, kún, qar.

Tárbıeshi: - Balalar, búgin aýa raıy qandaı bolyp tursa da, biz bir - birimizge kóterińki kóńil kúı syılaıyq.
Balalar: Balalar sheńber bolyp otyrady. Terezege qarap, aýa raıynyń ózgerisin aıtady.
Tárbıeshi: Balalar, búgin aýa raıy jyly, kún shyǵyp tur.
Aýa raıy ártúrli bolady, birde kún ashyq bolady, birde jańbyr nemese qar jaýady.
Balalar: Tárbıeshiniń aıtqandaryn qaıtalaıdy.
Tárbıeshi: Jumbaq jasyrý.
Aq sandyǵym ashyldy,
İshinen jibek shashyldy.(Kún)
Balalar: - Kún.
Tárbıeshi: - Qolymyzdan ustap dóńgelene ustaıyq. Biz qazir nege uqsadyq?
Balalar: Kúnge.
Tárbıeshi: Balalar qalaı oılaısyńdar bizge kún ne úshin qajet?
Kún álemge jaryq berip, shýaǵyn shashady. Balalar biz nemen tynys alamyz?
Balalar: - Aýamen tynys alamyz.
Tárbıeshi: - Durys aıtasyńdar biz aýamen tynys alamyz. Aýasyz bizge tirshilik joq. Taza aýa tynystaý úshin kerek.
Tárbıeshi: Sergitý sátin ótkizedi.
Kún tókken nurynan
Bıik bolyp ósemiz.
Denemizdi tik ustap,
Dóńgelene bıleımiz.

Balalar: Qoldaryn joǵary sozady, bir oryndarynda turyp bıleıdi.
Tárbıeshi: - Balalar qys mezgilinde ne jaýady?
Balalar: Sýretke qarap jaýap beredi:
Tárbıeshi: - Qysta, qar jaýady, jel turady, kún sýyq bolady. Osynyń bári tabıǵat qubylystaryna jatady.
Oıyn: «Kún men tún» Sharty: Balalarǵa «kún»degende, olar qoldaryn ashyp, dóńgelek jasaıdy, al «tún» degende, olar uıyqtaǵan bolady.
Balalar oıyndy qyzyǵa oınaıdy.
Tárbıeshi: - Búgingi oqý is - áreketimiz jaqsy tilekpen aıaqtaıyq. Árqashan kún sónbesin! Aýamyz árqashan da taza bolsyn! Sýymyz tunyq bolsyn!
Balalar: Birge qaıtalap tilekterin aıtady.

Kútiletin nátıje.
Tabıǵat qubylystaryn (bult, qar, jańbyr) biledi;
Taqyrypqa sáıkes berilgen jumbaqtyń sheshýin taýyp, oıyn shartyn oryndaı alatyn daǵdylardy ıgeredi;
Jyl mezgilderine baılanysty tabıǵat qubylystarynyń ózgeshelikteri týraly bilimdi meńgeredi.