InfoHub Logo

Sabaqtyń taqyryby: Tabıǵattan nár alyp... 8 - synyp
Maqsaty: oqýshylardyń «tabıǵat», «jer», «sý», «aýa», «topyraq» týraly uǵymdaryn keńeıtý.
Mindetteri: >oqýshylarǵa tabıǵat baılyǵynyń adam ómirindegi mańyzdylyǵy týraly túsinik berý.
>oqýshylardy tabıǵatty saqtap - qorǵaýǵa, aıalap - mápeleýge baýlý
>súıispenshilikke, izgilikke tárbıeleý
Kútiletin nátıje: Tabıǵat - bizdiń baılyǵymyz. Tabıǵatty seziný arqyly adam tabıǵattan óz qasıetin uǵa alady.
Sabaqtyń ádisi: suraq - jaýap, áńgimelesý, toptyq jumys, ujymdyq jumys.
Kórnekilikter: ınteraktıvti taqta, sýretter, úntaspa, flıpchart, marker.

Sabaqtyń barysy:
I. Sálemdesý. “Amandasý” trenıńi
Oqýshylar dóńgelene otyrady. Barlyǵy taqtaǵa qaraıdy. Eger taqtada kúlki beınelense, onda bir - birimizge kúlimsireı qaraımyz, qol beınelense - qolymyzdy qysyp amandasamyz, kún beınelense - jaqsy yqylaspen sálemdesemiz, júrek beınelense - qushaqtasamyz.
II. Synypty topqa bólý.(“Jer”, “Sý”, “Aýa”, “Tabıǵat”)

III. Negizgi bólim.
Shattyq sheńberi.
G. Jandybaevtyń “Gúlder” atty óleńin mánerlep oqyp shyǵý.
Qyzyǵýshylyqty oıatý.(Oı qozǵaý)
• Tabıǵat seni qandaı áserge bóleıdi?
• Adam men tabıǵattyń arasynda úılesim bar ma?
• Adamnyń tabıǵatqa, tabıǵattyń adamǵa yqpaly qandaı?
• Appaq aı, jaryq kún, jasyl japyraq kelbeti adamǵa qandaı oı salady? Ózderiń osyny bastan keshirip kórdińder me

Oı shaqyrý.
Tabıǵat degende kóz aldaryńa ne elesteıdi? Kóz aldaryńa elestegen zattyń sýretin salyńyzdar nemese jazyńyzdar.(Ár toptan sýretterin qorǵaıdy, tabıǵat týraly oılaryn oqıdy).
Oı - pikir.
Tabıǵat týraly ne bilemiz?
“Tabıǵat” sózine asosıasıa qurý.
Tabıǵat
Tabıǵat → jer, aýa, sý, kún, aı, topyraq, janýarlar álemi, ósimdik,

Mátinmen jumys.
Q. Tolybaevtyń “Aq gúl” atty mátinimen tanysý arqyly oqýshylar tabıǵattyń tirshilik bastaýy ekenin, jandy nárseniń barlyǵy derlik tabıǵattan nár alyp, ósip - ónetinine tereń mán beredi.
Oılanyp kóreıik. (toppen jumys)
I top. Jerdi nelikten kúlli tirshiliktiń anasyna teńeımiz?
II top. Tabıǵat pen adam úılesimdiliginiń syryn qalaı túsiner edińiz?
III top. Tabıǵat sulýlyǵyn qalaı saqtap qalýǵa bolady?
IV top. Jer - Ana degen sózdiń qudiretin sezinip kórdińder me?
Ózimmen – ózim relaksasıasy.

- Balalar, yńǵaılanyp otyryp alyńdar. Tabıǵattyń sulýlyǵy sonshalyqty, qaraǵan saıyn qaraı bergiń keledi. Ondaǵy sulý da, názik gúlderge, samǵaı ushqan qustarǵa qyzyǵa qaraımyz. Sol sátte Tabıǵat - anamyz estip turǵandaı, bizdi ártúrli tústerimen ásem kórinetin kempirqosaqqa aınaldyryp, aspan aıasyna ornalastyrdy. Qandaı keremet! Bıikten san túrli tústi sáýlelerimizge qýana qarap, máz - meıram bolǵan balalar. Kókten qaraǵanda tabıǵat sulýlyǵy burynǵysynan da qulpyra ketkendeı! Osyndaı sulýlyqqa shyn tamsanǵan, qyzyǵa qaraǵan sezimimizden boıymyz sulýlyq pen jylýlyqqa bólengendeı. Osy sulýlyq pen jylylyqty uzaq saqtaýǵa ishteı ýáde berip, burynǵy qalpymyzǵa keleıik.

Maǵynany taný.
Adam tabıǵattyń bir bólshegi. Adam men tabıǵat arasyndaǵy baılanys tamyry tereńde jatyr. Adam ómiri tabıǵatqa táýeldi. Tabıǵatty qorǵaý - óz ómirińdi qorǵaý deıtinimiz de sondyqtan.