InfoHub Logo

Taqyryby: Tabıǵatty aıalaı bileıik!
Maqsaty: Oqýshylardy ózdiginen izdeniske salý, qıalyn shyńdap shyǵarmashylyqqa baýlý. Oqýshylardyń oılaý qabiletterin, tilin damytý.
Tabıǵatty qorǵaýǵa, qamqor bolýǵa, elin, jerin súıýge tárbıeleý.
Kórnekiligi: sýretter, qanatty sózder, sharlar, maketter, t. b.

Sabaq barysy:
Psıhologıalyq daıyndyq.
Tabıǵat - bizdiń anamyz,
Tabıǵatqa balamyz.
Qushaǵynda oınaımyz,
Shattyq ánge salamyz.

1 - júrgizýshi: Sálemetsizder me, qadirli ustazdar, oqýshylar jáne qonaqtar! Búgingi bizdiń tárbıe saǵatymyz bizdi qorshaǵan tabıǵat jaıly bolmaq.
2 - júrgizýshi: Tabıǵat – ol bizdi qorshaǵan orta: aspan, aı, juldyz, aýa, kúnniń jylýy, ózen, kól, jaryq. Tabıǵat – baılyq kózi. Sondyqtan biz aınalamyzdaǵy bar dúnıege qamqor bolýymyz qajet.
Tabıǵat týraly óleńder:

1 - oqýshy: Qaıyrly kún, kúnim, dalam, ormanym,
Qaıyrly kún, gúlim, qusym, kólderim.
Qaıyrly kún, ósimdikter, jándikter,
Qaıyrly kún, bar tirshilik kıesi!
2 - oqýshy: Tabıǵat – sulý mekenim,
Ózińdi pana etemin.
Saıańda ósip, er jetem,
Bıikke samǵap jetemin..
Hor: «Baldyrǵan»

1 - júrgizýshi: Tabıǵat – tirshilik ataýynyń altyn uıasy jáne aıaly besigi. Qutty qonysy men ósip - óner mekeni.
2 - júrgizýshi: Árqaısymyzdyń tabıǵatqa degen alǵysymyz sheksiz jáne tabıǵattyń bar tirshiligin, qustary men jan - janýarlaryn qorǵaýymyz mindet. Árqaısysynyń bizge paıdasy mol.

4 - oqýshy: Keshkilik pe, kúndiz be,
Ósip turǵan gúldi úzbe.
Týǵan jerdi dalaǵa,
Tastaǵaly júrmiz be?

5 - oqýshy: Úzip alsań sen bir gúl,
Úzip alsam men bir gúl,
Ne qalady sıqynan,
Qyzyl - jasyl jerdiń bul?

- Balalar qazir jyldyń qaı mezgili?
- Óte durys kóktemde jyl qustary ushyp kele bastaıdy. Qustardyń bizge paıdasy óte kóp. Qustar týraly kishkene maǵlumat berip keteıin. Qarlyǵash: erte kelip, kesh ketedi. Jemtigin ushyp júrip qaǵyp jeıdi, sýdy da solaı ishedi. Adamdarǵa jaqyn júretin qus.
Jaz boıy 1 mıllıon qurt jeıdi. Qarlyǵashty adamnyń dosy dep aıtady.

6 - oqýshy: Qarlyǵashpyn, men, qarlyǵashpyn,
Shybyn degen keselden
Tazalaımyn úı ishin.
El aýzynda maqtaýly,
Tazalyqshymyn tóselgen.
1 - Balalar aqqý týraly bilemiz be, ol qandaı qus?
2 - Durys aıtasyńdar aqqý kıeli qus. Aqqýdy kórgenderiń bar ma? Qaıdan kórdińder?
Jaraısyńdar balalardyń barlyǵy aqqýdy kóripti. Aqqýlar bizdiń teńizge
qysta kún salqynda keledi. Aqqýlar jup bolyp júredi eken jáne olar óte tatý bolady. Aqqýdy atýǵa bolmaıdy. Jylandar da aqqýdyń jumyrtqasyna tımeıdi eken.

7 - oqýshy: Qus sulýy – aqqýmyn,
Tabıǵat kórik syılaǵan.
Myltyǵyn kezep esh mergen,
Atýǵa kózi qımaǵan.
Sulýlyqty pash etip,
Jyrlaǵan talaı aqyndar.
Názik úndi, kól kórki,
Qus patshasy – men bolam.