InfoHub Logo

Tárbıe saǵatynyń taqyryby: Taǵdyr tálkegindegi jan

Maqsaty: Oqýshylardyń boıyna adamgershilikke jaqsylyq jasaı bilýge, izgilikke, ómir jolynda óz maqsatyna jetýge, qandaı qıynshylyq bolsa da sol qıynshylyqqa tótep berýge moıymaýǵa tárbıeleý.
Sabaqtyń ádisi: Pikir alysý.
Sabaqtyń kórnekiligi: ınteraktıvti taqta, vıdeo, maqal - mátelder, jumbaq adam.
Uıymdastyrý kezeńi: - Oqýshylardy túgendeý: - Oqýshylardyń zeıinin sabaqqa aýdarý.

Sabaqtyń barysy:
1 - júrgizýshi: Qaıyrly kún qurmetti ustazdar, oqýshylar! Búgingi «Taǵdyr tálkegindegi jan» ashyq tárbıe saǵatyna qosh keldińizder! Bizdiń negizgi áńgimemiz adam ómiri taǵdyr soqpaǵynda talaı buralańdy joldarmen ótetini týraly bolmaq.

2 - júrgizýshi: Jazmyshtan ozmysh joq demekshi bizder kóbinde taǵdyr degende qaıǵy - qasiret shekken kezde oılap kúńirenemiz. Keıde taǵdyrymyz osylaı ma dep jatamyz. Árıne adam ómiriniń bári de ózi oılaǵandaı bola bermeıdi, soǵan da qanaǵat, ımandylyq, bardyń qadirin bilmek degen qasıetter atalǵan.
1 - júrgizýshi:
Áı taǵdyr maǵan degen syıyń qaısy, Ustatpaıtyn túlkideı burańdaısyń Endi ǵana jetpek bop, qoldy sozsam, Syrt aınalyp ketesiń saǵymdaı tym.

Bir syrymdy aıtaıyn qulaq salshy, Júgirgenge beredi degen bar et. Ala kúnnen moıynymda ala dorbam Sonda da saǵymdaı ustatpaısyń Áı taǵdyr! Jaýap joq, qanshama ret suraý saldym, Múmkin bergen sybaǵań, muń men qaıǵyń. Ar jolynda baqytty sezinbegen, Taǵdyrymmen alysqan sormańdaımyn

2 - júrgizýshi:
Ómir degen máńgi gúldep jatatyn, Qushtarlyqtyń tolǵaǵy men kóktemi.
Eshkim oǵan qoıa almaıdy núkteni,
Ómir degen sóılem emes óıtkeni - deı kele mynadaı suraqtarǵa jaýap bereıik.