InfoHub Logo

Qazaqstan fýtbol quramasynyń bas bapkeri Talǵat Baısýfınov jas talant Dastan Satpaevtyń jaǵdaıyn grýzıalyq juldyz Hvıcha Kvarashelıamen salystyrdy. Ol 18 jastaǵy oıynshynyń nege jastar quramasy (U-21) sapynda oınamaýy kerektigin túsindirip berdi.

Bul týraly Infohub.kz aqparat agenttigi habarlaıdy.

Nege Satpaev jastar quramasyna jiberilmedi?

Baısýfınovtiń aıtýynsha, fýtbolshyny jastar quramasyna jibermeý – álemdik fýtboldaǵy jańa tendensıa. Ol muny grýzıalyq Hvıcha Kvarashelıa mysalymen dáleldedi. Kvarashelıa Grýzıa quramasynyń iri týrnırlerge qatysyp jatqanyna qaramastan, jastar quramasyna jiberilmegen. Bul fýtbolshynyń damýyna keri áser etýi múmkin degen pikirdi alǵa tartty.

«Biz bul máseleni byltyr talqylaǵanbyz. Bizdiń bastamamyz boıynsha Dastan Satpaevty jastar quramasynyń (U-21) joldastyq kezdesýiniń ornyna resmı oıynda oınatý usynylǵan edi. Biraq keıin taldaý jasap, mynadaı tendensıany kórdik – Grýzıa quramasynyń oıynshysy Hvıcha Kvarashelıa, iri týrnırler ótip jatqanda, ony jastar quramasyna jibermegen. Bul álemdik fýtboldaǵy talaptar men tendensıalar, bul fýtbolshynyń damýyna belgili bir dárejede keri áser etýi múmkin», - dedi Talǵat Baısýfınov.

Eske salaıyq, birneshe kún buryn qurama shtaby Dastan Satpaevty naýryz aıyndaǵy FIFA Series 2026 joldastyq kezdesýlerine shaqyrmaý týraly sheshim qabyldaǵan bolatyn. Bul sheshim «Chelsı» medısınalyq shtabynyń usynysymen qabyldandy. Oǵan sáıkes, fýtbolshynyń qazirgi jaǵdaıy men halyqaralyq úzilis kezinde qalpyna kelý qajettiligi eskerildi.

Qazaqstan quramasynyń aldaǵy oıyndary

Qazaqstan quramasy Astanada ótetin jańa joldastyq týrnır aıasynda eki kezdesý ótkizedi. 25 naýryzda Namıbıamen, al 31 naýryzda Komor araldarymen oınaıdy.