
- 05 tam. 2025 14:21
- 22
Talǵat Musabaevpen qoshtasý rásimi 6 tamyzda Almatyda ótedi
Talǵat Musabaevpen qoshtasý rásimi 6 tamyzda Almatyda ótedi,dep habarlaıdy Infohab tilshisi.
Qazaqstannyń tuńǵysh kásibı ǵaryshkeri, Halyq qaharmany Talǵat Amangeldiuly Musabaevpen qoshtasý rásimi 6 tamyz kúni ótedi. Bul týraly Almatydaǵy Qarýly kúshter ardagerleri respýblıkalyq qoǵamdyq birlestigi habarlady.
Marqummen qoshtasý saǵat 09:00-de Almaty qalasyndaǵy Ofıserler úıinde bastalady. Keıin 28 gvardıashy-panfılovshylar atyndaǵy saıabaqta mıtıń uıymdastyrylady.
Ǵaryshkerdiń denesi Kensaı zıratyna jerlenedi.
Eske salaıyq, Talǵat Musabaev – Qazaqstannan ǵaryshqa úsh ret ushqan jalǵyz adam. Ol 1994, 1998 jáne 2001 jyldary ǵarysh saparyna attanyp, jalpy 341 kún 9 saǵattan astam ýaqytyn Jer orbıtasynda ótkizgen.