InfoHub Logo

«Kelesi aıaldamaǵa jalǵyz ketip baramyn…» Tanymal ázilkesh Mereke Qalbaevanyń jazbasy jurtty alańdatty

Tanymal ázilkesh ári aktrısa Mereke Qalbaeva áleýmettik jelidegi júrekjardy jazbasymen jurtty alańdatty. Ol Instagram paraqshasynda kóz jasyna erik bergen sátinen sýretter jarıalap, jeke ómirine qatysty tuspaldy jazba qaldyrdy.

 "Keıde ómirde múldem qalamaǵan nárseler oryn alady. Biraq amal joq, qabyldaısyń, ári qaraı ómir súresiń. Kelesi aıaldamaǵa jalǵyz ketip baramyn... Dostar, ázirge ne bolǵanyn búkpeı aıta almaımyn. Biraq bir nárseni moıyndaımyn — kiná ózimnen," — dep jazdy ol.

Ázilkesh bul sátte óz-ózine kelý úshin kópshilikke ýaqyt suraǵandaı áser qaldyrdy. Jazbasynda: "Jylap jatatyn ýaqyt joq, biraq áıel retinde kóz jasymmen jeńildep qalatynym bar. Men tipti shyńǵyryp jylaımyn. Túrim ózgerip ketti," — degen joldar bar.

Jeli qoldanýshylary Merekeniń bul habary onyń otbasylyq jaǵdaıyna qatysty degen boljam jasap jatyr. Aıta keteıik, aktrısa ózinen birneshe jas kishi Arsen Akıevke turmysqa shyqqan bolatyn. Qazir ol Instagram paraqshasynan kúıeýimen túsken barlyq foto men vıdeolardy óshirip tastaǵan. Bul jaıt ta oqyrmandardyń kúdigin kúsheıte tústi.

Ázirge Mereke Qalbaeva bul jaǵdaıǵa naqty túsinikteme bergen joq. Jeli qoldanýshylary oǵan qoldaý bildirip, sabyr tileýde.