InfoHub Logo

Tanymal ánshi Tamara Asar jaqynda ǵana áleýmettik jelide jańa ánin kópshilikke tanystyrdy. «Telefondy qoı, qolymnan usta» dep atalatyn týyndysy tyńdarmandar arasynda qyzý pikirtalas týdyrdy.

Bul týraly Infohub.kz aqparat agenttigi habarlaıdy.

Ánniń ózektiligi

Ánshiniń aıtýynsha, jańa týyndysy búgingi qoǵamda ózekti taqyrypqa aınalǵan telefonnyń adam ómirine áseri týraly syr shertedi. «Telefonnyń paıdasy men zıany birdeı. Sol telefonnyń zıany shekten shyqpasyn degen oımen «Telefondy qoı» degen án jaryqqa shyǵýda…», - dep túsindirdi ánshi.

Jeli qoldanýshylarynyń pikiri

Alaıda, ánge qatysty jelide túrli pikirler aıtylýda. Keıbir tyńdarmandar ánniń maǵynasyn joǵary baǵalap, ony qazirgi jastarǵa aıtylar ósıet retinde qabyldasa, endi bireýleri ánshiniń bul áni ózine jaraspaıtynyn, ony salmaqty ánderimen ǵana tanıtynyn jetkizdi.

«Tamara hanym, sizge myna án kelmeıdi», «Sizdi salmaqty ánmen ǵana bilemiz», «Maǵynasy zor», «Qazirgi jastarǵa aıtatyn ósıet eken» degen sıaqty pikirler áleýmettik jelide kóptep kezdesti.