InfoHub Logo

Ánshi Tamara Asardyń joldasy Bekmyrza Jumash Aıtjanulynyń burynǵy áıeli áleýmettik jelide jazba jarıalap, óz jaǵdaıyn baıandady. Ol burynǵy kúıeýiniń ortaq balalaryna qamqorlyq jasamaıtynyn, tipti olarmen múlde aralaspaıtynyn aıtyp, shaǵymdandy.

Bul týraly Infohub.kz aqparat agenttigi habarlaıdy.

Ákelik mindetin atqarmaıdy

Burynǵy áıeldiń aıtýynsha, Bekmyrza Jumash Aıtjanuly kámeletke tolmaǵan balalarynyń oqý aqysyn tóleýden bas tartyp, tabysyn jasyryp, sottasyp júr. Ol 2012 jyly irgetasy qalanǵan «Zavod Astyq» kásipornynyń 2014 jyly ashylǵanyn, sol kezde óziniń zańdy nekede bolǵanyn atap ótti. Alaıda segiz jyldan keıin kúıeýi basqa áıelge ketip, búkil bıznesti ózimen birge alyp ketken.

«Meniń nekemde ol osy bıznesti qurdy, marqum nekesiz týǵan ulyna óz tegin berdi, men ony 11 jastan 18 jasqa deıin tárbıeledim, ekinshi nekesinen týǵan úlken qyzyn qamtamasyz etti. Al qazir ol aty-jónin ózgertip, bizdiń ortaq balalarymyzben múlde aralaspaıdy. Balalaryna bilim, medısına jáne basqa da qajettilikter úshin eshqandaı kómek kórsetpeıdi», – dep jazdy ol.

Alıment máselesi

Áıeldiń sózinshe, ajyrasýǵa kúıeýi ózi aryz berip, ony 40 jasqa taıaǵanda tabyssyz qaldyrǵan. Zaýyttaǵy jalaqysyn alımentke almastyrǵanymen, bul qarajat balalarǵa laıyqty bilim alýǵa jetpeıdi. Ol balalardyń ákesiniń zaýyttan túsetin tabysyna saı alıment alýǵa tolyq quqyly ekenin aıtty.

«Maǵan bul týraly aıtý uıat emes – kerisinshe, ózderin úlgili etip kórsetetin, biraq shyn máninde balalaryna jetkilikti kóńil bólmeıtin otbasy uıalýy kerek. Olar shetelde demalyp, qymbat kıimder men kólikter alady, meıramhanalarda tamaqtanady. Biraq bul – meniń balalarymnyń aqshasy. Óz balalaryńnyń baqytyn basqa balalardyń esebinen qura almaısyń», – dep túıindedi ol.