InfoHub Logo

Jelide kásipker Baqytbek Esentaevtyń ózinen áldeqaıda jas áıelge úılengeni týraly aqparat taraǵan edi. Osyǵan qatysty prodúser Baıan Alagózova Qazaq Ordasy YouTube arnasyna bergen suhbatynda óz oıyn aıtty.

Óner ıesi qyzdarynyń ákesimen qarym-qatynasyna eshqashan kedergi keltirmegenin atap ótti. Onyń pikirinshe, balany ákesinen alystatý – durys emes sheshim.

Prodúser jelide taraǵan aqparatty kórgenin jasyrmaı, bul jaǵdaıǵa sabyrmen qaraǵanyn aıtty.

“Qyzym bul aqparatty kórgen soń maǵan habarlasyp “Mama, kórdiń be?” dep surady. Men “Iá, kórdim, qazir bireýden bireýge taraıtyn dúnıeler kóp qoı” dep jaýap berdim”, – dedi ol.

Keıin qyzy ákesine habarlasyp, mán-jaıdy anyqtaǵan. Baqytbek Esentaev bul aqparattyń shyndyqqa janaspaıtynyn aıtyp, jelide taraǵan sýret burynǵy bir toıda kezdeısoq túsirilgenin túsindirgen.

Baıan Alagózova burynǵy jubaıynyń jeke ómirine aralaspaıtynyn, eger ol baqytty bolsa, tek qýanyshty bolatynyn jetkizdi.

“Men eshkimge aqyl aıtqym kelmeıdi. Sebebi bireýge ol durys kórinse, endi bireýge “Ózińe qara” degendeı áser qaldyrýy múmkin. Sondyqtan ár adam óz ómirinde tańdaýyn ózi jasaıdy. Biraq sol tańdaýdy jasamas buryn, onyń bolashaqqa qalaı áser etetinin oılaǵan jón. Óıtkeni bárimizdiń tilegimiz bir – súıikti bolyp, baqytty ómir súrý”, – dedi prodúser.