InfoHub Logo

Bul maqalada barlyq adam úshin ózekti bolǵan másele qarastyrylady. Tańerteń qalaı tez oıanýǵa bolady?

Árıne, tańǵy beste nemese altyda, tipti odan da erte oıanýǵa bolady. Biraq, eger aǵzamyz buǵan daıyn bolmasa, onda mıymyz ben denemizdiń barlyq belsendiligi kesh batpaı taýsylyp qalady.

Tańerteń erterek oıaný úshin ne isteý keregin qarastyraıyq:

1. Eger tańǵy beste turý kerek bolsa, onda túngi onnan keshikpeı uıqyǵa jatý kerek. Óıtkeni adamnyń uıqysy qaný úshin kem degende jeti-segiz saǵat kerek.

2. Uıqyǵa keterden birneshe saǵat buryn mıymyz aqparattar aǵynyn qabyldamaý úshin teledıdardy, kompúterdi, telefondy óshirip tastaý kerek. Bul tezirek uıqyǵa ketýge kómektesedi.

3. Uıqyǵa jatardan eki saǵat buryn tamaq ishýdi toqtatý kerek. Ash qarynǵa uıqy tez keledi.

4. Uıyqtar aldynda jatyn bólmesin jeldetip alyńyz.

5. Eger tańerteń kerek ýaqytynda oıana alsańyz, eń bastysy qaıta uıyqtap ketpeý kerek. Ol úshin belgili bir ýaqyt aralyǵymen shyryldaıtyn birneshe oıatardy qosyp qoıý kerek.

Eń bastysy, erte turýǵa múmkindik beretin nárse, bul árıne rejım. Erte turýǵa birden kóshýge bolmaıdy. Birtindep istegen durys. Demalys kúnderi tósekten turmaı jata berýdiń qajeti joq. Bul barlyq rejımdi buzyp, sodan keıin bárin basynan bastaýǵa týra keledi.

Tańerteń jattyǵý jasaýǵa bolady. Ol oıanǵanda sergektik berip, aǵzany belsendi bolýǵa yntalandyrady.

Biraq keıde adamdar qarapaıym jattyǵýlardyń ózin jasaýǵa erinedi. Al bul densaýlyqqa keri áserin tıgizedi.

Mundaı jaǵdaıda:

1. Súıek pen bulshyqet aýrýlary.

2. Uzaq merzimne sozylatyn uıqysyzdyq.

3. İshek aýrýlary

4. Qan qysymynyń kóterilýi.

5. Kúızelis jaǵdaıy paıda bolýy múmkin.

Dene qımyly bolmaǵandyqtan búkil aǵzanyń qyzmetiniń buzylýy er adamdarda da, áıel adamdarda da bolady. Biraq áıel adamnyń aǵzasyna ol qatty áser etedi. Sondyqtan arnaıy jasalǵan jattyǵýlar kesheni tańerteń sergek ári symbatty kórinýge septigin tıgizedi

Jattyǵýlar kesheni arqyly dene qımyly kezinde:

1. Zat almasý júıesi jaqsarady

2. İshektiń jumysy jaqsarady

3. Aǵzadan ýytty zattar shyǵady.

4. Salmaq turaqtanady.

5. Búkil aǵza iske qosylady.

6. Júrektiń jumysy jaqsarady.

7. Aýrýlarǵa tózimdilik artady.

Tańerteń jattyǵý jasaıtyn adamdardyń jumys isteý qabileti de joǵary bolady. Endi dene qımylyna arnalǵan birneshe jattyǵýlardy qarastyraıyq:

1. Basty alǵa-artqa qozǵaltý, aınaldyrý.

2. Qoldy jáne qoldyń býyndaryn aınaldyryp qozǵaltý.

3. Deneni ár jaqqa qaraı eńkeıtý.

4. Shyǵys bıi sıaqty bókseni aınaldyrý.

5. Otyryp-turý.

6. «Velosıped» sıaqty jattyǵý jasaý.

7. Bir mınýt boıy planka (qoldyń qary men aıaqtyń ushyn jerge tirep, keýdeni, jambasty, aıaqty jerge tıgizbeı kóterip turý) jasaý.

8. Sekirgish pen shyǵyrdy paıdalanyp jattyǵýlar jasaý.

Jattyǵýlardy taza aýda nemese jeldetiletin bólmede jasaý kerek. Jattyǵý aldynda bir staqan sý ishken durys. Áýeli qozǵalys birqalypty, baıaý bolý kerek. Sodan keıin aqyryndap qarqyndylyǵyn arttyrý qajet.

Jattyǵýlardy mýzyka tyńdap jasaýǵa bolady. Jattyǵýdan soń kontrasty (sýyq sý men ystyq sýdy alma-kezek aýystyryp jýyný) dýsh qabyldaý kerek.

Joǵaryda aıtylǵandardan shyǵatyn qortyndy, aǵzaǵa zıan keltirmesten jáne kúni boıy sergek júretindeı erte turýǵa úırený úshin rejımdi saqtap, tańǵy jattyǵýlardy jasaýǵa tyrysý kerek.

---