InfoHub Logo

«Tapqyr bolsań, ozyp kór» ıntellektýaldyq saıys
Maqsaty:
- Bilimdilik: oqýshylardyń oılaý qabiletin, oı ushqyrlyǵyn, oqýǵa yntasyn arttyrý;
- Damytýshylyq: izdenimpazdyq, uıymdastyrýshylyq qabiletin damytý;
- Tárbıelik: oqýshylardy uıymshyldyqqa, jaratylystaný pánderine qyzyǵýshylyqqa, jaýapkershilikke, ózin - ózi tárbıeleýge tárbıeleý;
Kórnekiligi: naqyl sózder, slaıdtar, logıkalyq esepter, maqal - mátelder, oıyndar.

Jospary:
1. Toptardy shaqyrý.
2. Ádil - qazylarmen tanystyrý.
3. Toptyń ózin tanystyrýy.
4. Ǵajaıyp jetilik
5. Polıglot
6. Kapıtandar saıysy
7. Oıymdy jalǵastyr
8. Qorytyndy

Qoldanylǵan naqyl sózder:
Kóp bilgenge máz bolý qate. Bilimniń sany emes, sapasy mańyzdy. (L. N. Tolstoı)
Bilimnen qymbat nárse joq, kóńilde jatsa baspaı tot. (N. Baıǵanın)
Bilgen adam bilimdi ómir boıy izdeıdi. (A. Iúginekı)

Matematıka ǵylymdar patshasy, al arıfmetıka – matematıka patshasy. (K. Gaýss)
Aqyl - oıdy tártipke keltiretin matematıka, sondyqtan da ony oqý kerek. (M. V. Lomonosov)

1 - júrgizýshi:
Qosh kelipsizder, mynaý oıynǵa barsha qaýymym!
2 - júrgizýshi:
Armysyzdar, qonaqtarmen ustazdar jáne zamandastar.
1 - júrgizýshi:
Búgingi kún erekshe kún bolmaq
2 - júrgizýshi:
Sebebi, bul kún, kún men túnniń teńelgen, kóktemniń jyly lebi esken, jaratylys dúnıesi oıana bastaǵan, qytymyr qystyń yzǵary ketip tirshilik áleminiń oıanǵan shaǵy edi.. Endeshe, bul kúnge saı kelip otyrǵan «Tapqyr bolsań, ozyp kór» atty ıntellektýaldyq saıysymyzdy erekshe kóńil – kúımen bastaýǵa ruqsat etińizder.

1 - júrgizýshi:
Sizderdi saıysqa shaqyramyz,
Suraqtarmen bastaryńdy qatyramyz
Matematıkany uǵyndyryp,
Az da bolsa, bilimderińizdi toltyramyz.

2 - júrgizýshi:
Arhımedteı jańalyqtar ashar,
Bolsa úmitker, saıysqa úles qosar
Uly matematık izin basar
Bizderde bar jas talapkerler
Bireýiniń júreginiń túgi bar,
Bireýiniń arqalap júrgen qoǵamdyq júgi bar
Bireýiniń qatty isteıtin mıy bar
Báriniń de jeńiske degen úmiti bar - deı kele saıys alańyna «Talaı syndy baǵyndyrǵan qyrandar» toby men «Jarq etken jas juldyzdar» tobynyń múshelerin shaqyramyz. (Toptar ornalasyp bolǵansha, mýzyka oınap turady.)

1 - júrgizýshi: Shyn júırik shabysynan tanylady,
Naqty bilim, tereń oı sanalady.
Baǵa berer sarapshylar ortamyzda,
Sizderge qurmetpen qol soǵylady
saıyskerlerimizdiń bilim men ónerin saralap, baǵa beretin sarapshy - mamandar ádil - qazylar alqasyn tanystyrsaq:
1. _________________________________________
2. _________________________________________
3. _________________________________________

Interaktıvti taqtada búgingi keshtiń jospary tanystyrylady.

1 - júrgizýshi:
Bastalyq aqyl - oıdyń dara keshin,
Halaıyq siz de bizge jaqyn kelshi.
Jaratylystaný ǵylymyna umtylǵandar,
Egerde kim ekenin bilgiń kelse.

2 - júrgizýshi:
Bilmeımin dep qysylma,
Talabyń bolsa boıynda.
Bilimdiniń yrysy,
Jarqyrap jatyr jolynda - deı otyryp kezekte amandasý rásimi jáne toptyń aty men emblemasyn qorǵaý

1 - júrgizýshi: kezekte «Talaı syndy baǵyndyrar qyrandar» toby.

Urany: Qandaı synaq bolsadaǵy berispe,
Árqashanda úmitkermiz jeńiske.

Sálemdesýi:
Armysyzdar, kórermen synshylarym,
Qarsylastar, qasymdaǵy qurbylarym,
Tolqý da bar ózimde, qýaný da,
Qorqý da bar, sol úshin qynjylamyn.

Talaı syndy kelemiz baǵyndyryp,
Talaı jurtty kelemiz tańqaldyryp,
Biz qyrandar artýda úmitimiz
Barǵan saıyn oıynnyń jalyny uryp.

Qasymda tur jaqtaýshy serikterim,
Tolqý da bılep tur mine erikterin,
Tobymyzdyń atynan kelip turmyz,
Aqtaımyz dep oılaımyz úmitterin.

«Talaı syndy baǵyndyrar qyrandar» tobynan «Jarqyraǵan jas juldyzdar» tobyna sálem!

2 - júrgizýshi: kelesi kezekte «Jarq etken jas juldyzdar» toby

Urany: Jas juldyzdaı janamyz,
Jaqsy bilim alamyz.
Eń keremet saıyskerler
Minekı bizder bolamyz.

Sálemdesýi:
Bul saıysty kópten bizder kútkenbiz,
Jalyndaǵan jastarmyz biz, kóktembiz.
Maqsatymyz bıikterden kóriný,
Biz sol úshin mańdaı terdi tókkenbiz.
Armandarǵa qol sozýmen kelemiz,
Ómir teńiz, júzip keledi kememiz.
Bilimmenen qarýlanǵan tobymyz,
Qarsylasty qalaıda biz jeńemiz!

«Jarqyraǵan jas juldyzdar» tobynan «Talaı syndy baǵyndyrar qyrandar» tobyna sálem!

1 - júrgizýshi:
Myqty bolsań – aldaǵyny basyp oz,
Myqty bolsań – arttaǵyny jetkizbe!
Myqty bolsań – taıǵanama, qulama!
Myqty bolsań – bógetterdi buzyp ót - dep saıysymyzdyń «ǵajaıyp jetilik» bólimine kezek beremiz.

2 - júrgizýshi: «ǵajaıyp jetilik» kezeńiniń sharty: ekranda berilgen jaraty - lystaný pánderimen oǵan qatysty uıashyqty tańdap durys jaýap berse, sol uıashyqtaǵy bal topqa beriledi. Jaýap joq bolsa suraq kelesi topqa beriledi.

1 - júrgizýshi:
Matematıka 40. Bul zat barlyq oqýshylarǵa qajet dep aıta almaımyn. Biraq kishirek synyptyń oqýshylary qyzyq kórip analaryna satyp alǵyzady. Al joǵary synyp oqýshylaryna ol óte qajet. Ony olar ýaqytty únemdeý úshin, al keıde bilmeıtin birdeńeni taýyp alý úshin qoldanady. Bul ne?
(kálkýlátor)
Ekologıa 30. Aral jáne Balqash problemalaryn kótergen qazaq zıalylary kimder?
(M. Shahanov, O. Súleımenov)
Matematıka 50. Bul quraldy ádebıet muǵalimi eshqashan qajet etpeıdi. Al, matematıka muǵalimi 5 - synyptan bastap qoldanady. Ol ózi erekshe zat: ólshep - ólshep alyp, túr - túrge bólip tastaıdy. Betindegi belgilerin qyzýyń qatty kóterilgende anań da, dáriger de qaıta - qaıta aıtady. Bul qandaı matematıkalyq qural?
(transportır)