InfoHub Logo

Tapqyr dostar
Sabaqtyń maqsaty: Ótken sabaqtardy qaıtalaı otyryp, oqýshylardyń bilim deńgeıin tekserý
Mindetteri:
Bilimdilik: Oqýshylardyń tabandylyqpen sheshim qabyldaý, ony dáleldeý, logıkalyq oılaý qabiletin jetildirý arqyly bilimin arttyrý
Damytýshylyq: Oqýshylardyń oı - órisin damytýǵa, shapshań oılaýǵa, oıyn jınaqtap jetkize bilýge úıretý.
Tárbıelik: Uıymshyldyqqa, adamgershilikke tárbıeleý.
Sabaqtyń kórnekiligi: ınteraktıvti taqta, túrli - tústi qaǵaz, marker, beınekórsetilim.
Sabaqtyń túri: jarys sabaq
Sabaqtyń barysy
Uıymdastyrý kezeńi
5 synyptardan 2 top shyǵady. Topta 6 oqýshy bolady. Saıys 8 bólimnen turady. Baǵalaý bal túrinde bolady. Tez jáne tolyq jaýap bergen top joǵarǵy upaı alady.
1) Nazar aýdaryńdar!
2) Rebýstar
3) Sózjumbaq
4) Ereksheligin tap
5) Basqatyrǵysh
6) Al, qanekeı, shesheıik!
7) Jalǵasyn tap!
8) Oılan tap!

«Nazar aýdaryńdar!» bóliminde ózin ózi taný pánine baılanysty beınekórsetilim retinde ósıet áńgime ortasyna deıin kórsetiledi. Ósıet áńgimeniń sońyn ár top ózinshe aıaqtaıdy. Keıinnen ósıet áńgimeniń týra sheshimi kórsetilip, ádil qazylar baǵalaryn beredi.
«Rebýstar» bóliminde rebýs beriledi.

«Sózjumbaq» bóliminde oqýshylar sózjumbaqty sheshedi.
«Ereksheligin tap» bóliminde eki sýret beriledi. Sol sýrettiń 5 ereksheligin tabý kerek.
«Basqatyrǵysh» bóliminde oılaý qabiletin jáne shapshańdyǵyn tekseremiz. Shıden qurastyrylǵan balyqtyń 3 shıin aýystyrý arqyly balyqty kelesi jaqqa burý kerek.

«Al, qanekeı, shesheıik!» bóliminde jumbaqtar beriledi.
1. Bilimnen mol syı - asy,
Balǵyndardyń uıasy.
(Mektep)
2. Qaby soıaý,
Dini – boıaý.
(Qaryndash)
3. Juqa taqtaı bólshegi,
Uzyndyqtyń ólshemi.
(Syzǵysh)
4. Bir sanǵa ósirdi,
Ózi qalyp ornynda,
Bizdi alǵa kóshirdi.
(Klass)
5. Oqýyma tóreshi,
Toqýyma tóreshi.
Paraqtasam baıqalar.
Bilimimniń óresi,
Onda jáne jazylǵan,
Kestem de bar kelesi.
(Kúndelik)
6. Túsi appaq,
Tysy qatty - aq,
Eki túrli ýyzy,
Jeseń tátti - aq.
(Jumyrtqa)
7. Bultty aınaldy aspandaǵy
Qarǵa aınaldy asqardaǵy
(sý)
8. Saqtaýǵa, satýǵa bolmaıdy,
Kúımeıdi, tipti de tońbaıdy.
Dymy joq, úni joq, muńy joq.
Kórip pe eń, apyr - aı, mundaıdy?!
(kóleńke)
«Jalǵasyn tap!» bóliminde maqal - mátelderdiń jalǵasyn tabý beriledi.
Ákeni kórip ul óser,
Shesheni kórip qyz óser.
Aqyl – tozbaıtyn ton,
Bilim – taýsylmaıtyn ken.
Oqý – bilim bulaǵy,
Bilim – ómir shyraǵy.
Birlik bolmaı tirlik bolmas.
Aqyl kópke jetkizer,
Óner kókke jetkizer.
Ata kórgen oq jonar,
Ana kórgen ton pisher.
Jyltyraǵannyń bári altyn emes.
Dushpan kúldirip aıtady,
Dos jylatyp aıtady.
Sabyr túbi sary altyn.
«Oılan tap!» bóliminde myna sýrette neshe jylqynyń sýreti beınelengenin tabý kerek.
Qorytyndy: marapattaý.