Tengrinews.kz / Týrar Kazangapov
Tarazdyq mektep oqýshysy ákesin sotqa berdi
Taraz qalasyndaǵy mektep oqýshysy anasy men aǵasy qaıtys bolǵannan keıin, ákesin sotqa berip, alıment óndirip aldy. Bul jaǵdaı ákesi buǵan deıin balalarynan bas tartqanyna qaramastan oryn aldy.
Bul týraly Infohub.kz aqparat agenttigi habarlaıdy.
İstiń mán-jaıy
2008 jyly qyzdyń ákesi notarıýaldy túrde eki balasynan, sonyń ishinde osy qyzynan da ata-ana quqyǵynan bas tartqan. 2018 jyly mektep oqýshysynyń anasy men aǵasy qaıtys bolyp, qyz ájesiniń qolynda tárbıelene bastady. Barlyq shyǵynyn ájesi kóterdi.
Ákesi qyzyna materıaldyq kómek kórsetpegen, tipti onyń telefon nómirin buǵattap tastaǵan. Qyzdyń aıtýynsha, ákesi kómek suraǵanda ony elemegen. Qazirgi tańda qyzdyń bilim alýy men turýyna baılanysty barlyq shyǵyndy ájesi tólep otyr, biraq bul qarajat tek eń qajetti nárselerge ǵana jetedi.
Sot prosesi
Alıment óndirip alý týraly sotqa júgingen oqýshy qyz qarjylyq qıyndyqtardy alǵa tartty. Ákesi bolsa, ózge nekedegi tórt balasy men nesıe mindettemeleri bar ekenin alǵa tartyp, alımentti ishinara óndirýdi surady. Alaıda, sot onyń jumys isteı alatynyn jáne birneshe kásiporynnan tabys tabatynyn anyqtady.
Sot sheshimi shyqqan kúni ákesi kásipkerlik qyzmetin toqtatqany jáne osyǵan deıin tórt balanyń ákesi ekenin resmı túrde tirkegeni baıqaldy. Sot muny alıment mólsherin jasandy túrde azaıtý áreketi dep baǵalady.
Sottyń sheshimi
Taraz qalalyq soty ákege qyzy mektepti bitirgenshe aı saıyn 17 AEK (66 844 teńge) kóleminde alıment tóleý týraly mindettedi. Bul sheshimge shaǵymdanylǵanymen, Jambyl oblystyq soty ony ózgerissiz qaldyrdy. Sot aktileri zańdy kúshine endi.
-
Azamattyǵyn ózgertken balalar «Ulttyq qor – balalarǵa» baǵdarlamasynan shyǵaryldy. Olardyń shottaryndaǵy jınaqtalǵan qarajat basqa qatysýshylarǵa bólindi.
-
A Taraz schoolgirl, left orphaned after her mother and brother's deaths, has successfully sued her father for child support to cover her education and living expenses.
