InfoHub Logo

Aınalańyzdaǵy jandardyń kóńili cizge tartyp tursyn deseńiz osy keńesterdi nazaryńyzǵa ala júrińiz.

Aqshasynyń, asqan sulýlyǵynyń, baılanystarynyń bolmaǵanyna qaramastan boıynan keremet energıa men senimdilik tasyp turatyn adamdar bar. Adamdardyń ózderi olardyń tartymdylyǵynyń qursaýyna qalaı túsip qalǵanyn baıqamaı qalyp jatady.

Osyndaı tartymdy adamdar ómirge qushtar keledi. Dál solarǵa janyndaǵylar kómekke kelip, keńes surap, nemese jaı ǵana dostyq kóńilin bildirip jatady.  Al ondaı tartymylyq qasıeti joqtar, kerisinshe, jalǵyzdyqta qalyp: «olardy ne tartymdy qylady?» degen suraqqa jaýap izdep, sharq urady.

Munyń qupıasy nede? İshteı ózine degen senimdiliginde.

Tartymdy adamdar ózine degen senimdiligi sonsha, basqalardyń maquldaýyn qajet ete bermeıdi. Olarǵa ortaq taǵy bir belgi  — olar kún saıyn keri sheginbesten, aldyna qoıǵan maqsattaryna umtylyp, jetpeıinshe toqtamaıdy. Túsingenińizdeı — tartymdyliq jaı ǵana joly bolǵyshtyq emes. Olaı bolsa tartymdy adamardyń ádetteri men qylyqtaryn zerttep, sol qasıetterdi óz boıymyzǵa darytýǵa tyrysaıyq.

1. Aınalańdaǵylardy qurmette

Meıli iri klıentpen kelissóz júrgizip jatsa da, daıashyǵa shyrynǵa tapsyrys berse de tartymdy adamdar buny asqan sypaıylyqpen, qurmetpen jasaıdy. Sonymen qatar ol, eger, bireýdiń basqa adamdy tómen sanap, mensinbegen syńaı tanytqanyna kýá bolsa, bundaı ádiletsizdikke jol bermesi anyq. Óıtkeni tartymdy adam aınalasyndaǵylardy birdeı qurmettep, birin artyq, birin kem kórmeıdi.

2. Platınalyq erejege ilesińder

Qarym qatynastyń altyn erejesi — aınalańdaǵylar senimen qandaı qarym-qatynasta bolǵanyn qalasań, óziń olarǵa sondaı qarym-qatynas jasa. Alaıda bul erejeniń kemshil tusy da joq emes. Sebebi, adamdardy ár túrli nárseler yntalanyrady. Eger bireýge kópshilik aldynda jasalǵan usynystar unasa, endi basqasyna eldiń nazarynda bolý áste unamamaıtyny eskerilmegen.

Qarym-qatynastyń platınalyq erejesi: aınalańdaǵylarǵa olar qalaıtyndaı qarym-qatynas jasa.

Tartymdy adamar adam tabıǵatyn jaqsy biledi. Sóılesý stılin, júris-turysyn, minez-qulqyn aınalasyndaǵylar úshin jaıly bolatyndaı etip ıkemdep alady.

3. Bos áńgimelerden aýlaq bolyńyz

Bireýdiń qyzyǵýshylyǵyna bola bos, myljyń áńgime bastaýdyń qajeti joq. Keıde sondaı túkke turǵysyz áńgimeni bastaǵan kezde, janyńdaǵy adam birden Sizden kóńili qalyp, tipti Sizge degen kózqarasy birjola ózgerip ketýi múmkin. Tartymdy adamdar áńgime bastarda, tipti bolmashy nárselerden de tereń maǵyna tabýǵa tyrysady. Olardyń adamdarǵa degen qyzyǵýshylyǵy kez-kelgen suraqtarǵa ońaı jaýap berip, ómirdiń túrli salalaryndaǵy ózderi mańyzdy dep tapqan dúnıeler jaıly áńgimeleýine septigin tıgizedi.

4. Aınalasyndaǵy adamdarǵa kóp kóńil bóledi

Tartymdy adamdar ózin qorshaǵan jandarǵa qyzyǵýshylyqpen qaraıdy. Osynyń nátıjesinde ol ózi jaıly oılaýǵa kóp ýaqytyn jumsamaıdy. Iaǵnı ózgeler jaıly kóp oılaǵandyqtan, óziniń boıynan min izdep, bas aýyrtýǵa ýaqyt tappaıdy. Mine, sondyqtan «tartymdy bolý» olar úshin esh qıynǵa soqpaıdy.

Osy ádet Sizge de darysyn deseńiz, smartofonyńyzdy shetke qoıyńyz da, aınaladaǵy adamarǵa nazaryńyzdy aýdaryńyz. Sizdiń jaýabyńyzǵa emes, olardyń sóılegenine mán berińiz. Adamdar ózderi jaıly áńgimelegende, olarǵa ózińizdiń qyzyǵýshylyǵyńyzdy kórsetý úshin suraqtar qoıa otyryńyz.

5. Tym qatty tyryspańyz

Tartymdy adamdar áńgimelesý barysynda óziniń aqyldy, joly bolǵysh adam ekendigin aıtyp, janyndaǵylardyń ýaqytyn almaıdy. Maqtanýǵa turarlyq eshteńesi joq emes, árıne. Maqtaný olardyń oıyna da kelmeıdi, sebebi olar bárine unaǵysy keletin adamnyń aınalasyna qanshalyqty tartymsyz kórinetinin biledi.

6. Jaı ǵana pikir men aıqyn derektiń ara-jigin túsin

Pikir-talasqa toly taqyryptarǵ atartymdy adamdar óte muqıat aralasady. Belgili bir shekarasynan attamaıy. Meıli ol saıasat, jahandyq máseleler, muzyqtardyń erýi, mindetti ekpeler jaıly bolsyn, olar pikirin jasyrmaıdy, sondaı-aq basqanyń pikirin tyńdap, oǵan qurmetpen qaraıdy. Sebebi, ár aqyly bar adamnyń osy syndy máseleler jóninde óz pikiri baryn tartymdy adamdar jaqsy biledi.

7. Shynaıy bolyńyz

Tartymdy adamdar shynaıylyqty ustanady. Olar aldyn-ala is-áreketterine jospar quryp ábiger bolmaıdy. Eshkimge jasandylyq unamaıtynyn biletindikten, kez-kelgen áreketin shynaıylyqqa negizdep atqarady.

Adamdarǵa shynaıy daralyǵy unaıdy sebebi bundaı adamdarǵa senim artýǵa bolady.

Adamnyń shyn máninde kim ekenin, onyń sezimderin bilmeı jatyp, onyń keýdesinen ıterýden ońaı nárse joq ekenin eskere júrińizder.

8. Ádil bolyńyz

Ádil jandar qarapaıymdyǵymen ári ashyqtyǵymen tartymdy kórinedi. Negizinde ádil adam bolý ońaı sıaqty, alaıda, is-júzinde ádildikti saqtaý áldeqaıda qıyn. Óziniń ádiligin kórsetý úshin tartymdy adamdar óziniń ustanymyna ilesip ósek-aıańǵa jaqyndamaı, ashshy da bolsa tek shyndyqty aıtady.

9. Kúlimdeńiz

Adam suhbattasyp otyrǵan adamnyń aınasy tárizdi. Aınalańdaǵylar sizdi tartymdy dep tapsyn deseńiz, kúlimdep júrińiz. Sonda áńgimelesip otyrǵan adam áńgime barysynda sizden jaǵymdy áser alyp otyrady.

10. Ózińizdi jaqsy jaǵyńyzdan kórsetýge tyrysyńyz (biraq tym artyq ketpeńiz)

Tartymdy adamdar ózin jaqsy jaǵynan kórsetýge baryn salady, bul qonaq kelerdiń aldynda úıdi jınap, tazalaý sıaqty — ıaǵnı maqtanysh úshin emes, jaı ǵana janyndaǵylarǵa qurmet kórsetý bolyp sanalady. Biraq bir márte ózin jaqsy jaǵynan kórsetip, bul jaıdy keıin esinede almaı ketedi.

11. Ómirdi súıińiz

Tartymdy adamdar — ómirge qushtar, ári basqalarǵa beı-jaı qaraı almaıtyn jandar. Olar eshqashan zerikpeıdi. Sebebi, olardyń ómiri qyzyqty sátterge toly, ári sol qyzyqqa ortaqtasatyn adamdardy qýana qabyldaıdy.

Bul tartymdy adamdardyń ýaıymy joq degen sóz emes. Tipti úlken ýaıymy bolsa da, olar buny «sheshilmeıtin qıyndyq» dep qaramaı, «ýaqytsha keleńsizdikter» dep qabyldaıdy. Basyna qıyn kún túskende tartymdy adamdar: bul tek synaq — dep, erteń , ne kelesi aptady, ıa kelesi aıda bári jaqsy jaqqa qaraı ózgeretininen úmit úzbeıdi.

Tartymdy adamdardyń janynan tabyla beretin sıqyrly perızattary bolmaıdy. Biraq, olardyń osyndaı  jaǵymdy qasıetterdi boıyna darytyp otyratyn ádetteri bolady. Olar ózinen góri ózgeni kóbirek oılaıdy. Sonysymen qoımaı aınalasyndaǵy adamardy da tartymdy qylýǵa septigi tıedi. Esińizde bolsyn: Basqalarǵa qanshalyqty kóńil bólseńiz soǵurlym ózińiz tartymdy kórine alasyz.

---