InfoHub Logo

Google servısindegi sizdiń jeke derekterińiz kenetten basqalar úshin qoljetimdi bolyp qalýy múmkin. Biz sizderge mundaı keleńsizdikti qalaı túzeýge bolatynyn aıtamyz.

Google nelikten qoldanýshylar týraly derekterdi jınaıdy.

Qazirgi tańda Google bizdi baqylap otyratyny eshkim úshin qupıa emes. Bizdiń meken-jaıymyzdy baqylap otyratyny sıaqty ǵalamtordaǵy is-áreketimizdi de nazarynan tys qaldyrmaıdy. Siz jeli arqyly qandaı da bir ónimdi izdep, ol týraly málimet oqyǵanda, YouTube Sizge birden osyǵan uqsas ónimniń jarnamalaryn usynatynyn baıqaǵan bolarsyz. Eger Google óz paıdalanýshylary jónine málimetterdi jınamasa, derbes jarnama bolmaı, jarnamalardyń jumysy toqtap qalar edi.

Derekterdi jınaýdyń qaýpi nede?

Bir qaraǵanda bunda turǵan jaman eshteńe joq sıaqty. Biz jaıly Google derekter jınasa nesi bar, endi kompanıanyń qyzmetin paıdalanbaýymyz kerek pe? Qaıta osy qyzmettiń kómegimen ǵalamtor qyzyqty ári paıdaly: Sizdiń qyzýǵyshylyqtaryńyzdy qanaǵattandyrady, kerekti keńester beredi.

Alaıda Google Docs ındeksasıasymen oryn alǵan jýyrdaǵy oqıǵany eske alsaq, onda Google-dan basqasy Sizdiń meken-jaıyńyz jaıly, nemen aınalysatynyńyz týraly derekterdi bilip alýy múmkin degen kúmán týatyny anyq. Kepildik bolmaǵandyqtan óz qamyńyzdy ózińiz jasaýyńyzǵa týra keledi.

Google Siz jaıly ne biledi?

Ornalasqan jerińiz jaıly aqparattar

Birinshi jáne eń bastysy — bul sizdiń geolokasıańyz. Sol arqyly Google sizdiń ornalasqan jerińizdi baqylap, meken-jaılardy jazyp otyrady. Sodan soń sol aqparattardy negizge ala otyryp derbes jarnamalardy usynady. Silteme arqyly júrseńiz, Google, tipti, Siz ózińiz umytyp qalǵan mekenderińiz jaıly aqparattardy esinde saqtap turatynyna kóz jetkize alasyz.

Sol jaq joǵarǵy buryshynan kez-kelgen kúndi tańdasańyz, kartadan qaı jerde bolǵanyńyz, saǵat neshede, tipti qandaı kólikpen  qozǵalǵanyńyzǵa deıin aqparattar shyǵa keledi.

İzdeý tarıhy men jelidegi is-áreketter

Google tek Sizdiń izdeý tarıhyn ǵana emes, sonymen qatar Siz oqyǵan maqalalardyń tizimi, áleýmettik jelidegi adamdardyń profılderi, Siz kirgen jeli paraqshalaryn saqtap turady. Siltemege ótip, ózińiz kóz jetkize alasyz.

Sizdiń qurylǵyńyzdan alynǵan aqparattar

Sizge ózekti, mańyzdy jarnamalar usyný úshin Google Sizdiń baılanystaryńyz jaıly derekter, kúntizbeńizdegi josparlaryńyz, Siz qoldanatyn qosymshalar men tyńdaıtyn áýenderińiz, tipti batareıa zarádynyń deńgeıi jaıly derekterdi saqtap otyrady. Barlyq derekter tıizimin osy jerden kóre alasyz.

Dybystyq suranymdar jáne smartfondy dybystyq basqarý

Eger Sizge «Okeı, Google» tirkesi tanys bolsa, quttyqtaımyz: Sizdiń smartfonyńyzdy basqarýdaǵy dybystyq buıryqtaryńyz jáne dybystyq izdeý suranymdary Google serverlerinde saqtalady. Olardy myna silteme arqyly tyńdaı alasyz

Siz jaıly jarnamalyq aqparat

Google úshin qoldanýshylar jaıynda derekterdi jınaýdaǵy negizgi maqsat — jarnamany derbestendirý. Sebebi osy jarnamalar arqyly kompanıa aqsha tabady. Sizdiń múddeńiz ben qyzyǵýshylyqtaryńyz jaıly jarnama berýshi habardar ekenin osy jerden bilip, bir kezderi kezdeısoq ǵalamtordan izdestirgen ónim jaıly «maza bermeıtin» jarnamalardan ońaı qutyla alasyz.

Sizdiń smartfonyńyzdaǵy fotosýretter

Eger Siz Android negizindegi smartfon qoldanatyn bolsańyz, Sizdiń fotosýretterińiz Google bultty muraǵatynda qazirdiń ózinde saqtalyp turǵan bolar. Al Siz bul jaıly bilmeýińiz de ǵajap emes, sebebi, avtojúkteý ádepki qalpy boıynsha qosylýy múmkin. Google Photo qosymshasyn óshirýge asyqpańyz — bul jaǵdaıdy rettemeıdi. Budan Sizdiń barlyq fotosýretterińiz saqtalýyn toqtatpaıdy, ári bárine qoljetimdi — «ashyq» kúıde qalyp qoıýy múmkin. Google ózi ár túrli qurylǵylardaǵy fotosýretter men beınejazbalardyń avtojúktelýin qalaı óshirýge bolatynyn myna nusqaýlyqta jazǵan.

Sizdiń cookie-faıldaryńyz

Sizdiń kompúterińizdiń kóptegen resýrstaryn Google Chrome «jep qoıatynyn» baıqaǵan bolarsyz? Braýzer Siz jaıly málimetterdi jınap, tipti tolyǵymen jabylǵan kezdiń ózinde, fon kúıinde jumys istep turady, sonymen qatar Sizdiń cookie faıldaryńyzdy da saqtaıdy. Google bul faıldardy qalaı jáne ne úshin qoldanatynyn myna silteme arqyly túsine alasyzdar.

 Eger Siz qosymsha better fon kúıinde jumysyn jalǵastyrǵanyn qalamasańyz, Chrome braýzeriniń baptaýyna ótip «Sıstema» bólimindegi «braýzer jabylǵan kezde fon kúıinde jumys isteıtin servısti óshirmeý» pýnktynyń qarsysyndaǵy belgini basyńyz. Bul Windows-nusqalaryna ǵana qol jetimdi, macOS qoldanýshylarynda joq. Eger ózińiz jaıly derekterdi jınaýdy, ári cookie faıldaryn qoldanýdy óshirgińiz kelse paraqshanyń tómengi jaǵynda «qosymsha baptaýlar» batyrmasyn basyp, ózińiz jaıly, ózińizdiń is-áreketterińiz jaıly jarıa qylǵyńyz kelmeıtin aqparatty óshire alasyz.

Óziń jaıly málimetterdi qalaı óshirýge, ári keleshekte jınalýyn qalaısha tyıýǵa bolady?

Áýeli Siz myna siltemege ótip Google-ge jáne jarnama berýshilerge jibergińiz kelmeıtin aqparattardy óshirýińiz kerek. Barlyq pýnktter bir jerde ornalasqandyqtan, qoldaný óte yńǵaıly.

Sodan keıin Siz týraly buryn jınalǵan derekterdi óshirińiz. Ol úshin kelesi siltemege ótińiz (barlyq aqparatty birden joıý úshin «barlyq kezdegi» pýnktin tańdaýyńyzǵa bolady), servısterdi birtindep nemese Google servısteriniń barlyǵyn tańdap qoryqpastan «joıý» batyrmasyn osy jerde ózgerte alasyz.

Sondaı-aq eger Siz baılanyssyz tólemder úshin Google Pay–di qoldanbasańyz, ári Google Play qosymshasyn satyp almasańyz, Google-da tólem jaıly aqparattaryńyzdyń qalmaǵanyn tekserińiz, qajet dep tapsańyz ony da óshire alasyz.

---