InfoHub Logo

Qazaqstandaǵy joǵary oqý oryndaryndaǵy bilim berý baǵdarlamasy reıtıńiniń birinshi kezeń aıasynda 33 mamandyqtyń reıtıńi jasaldy\.

QR Bilim jáne ǵylym vıse-mınıstri Talǵat Eshenqulovtyń atap ótýinshe, zertteý jumysqa ornalasqan túlekter paıyzy men olardyń ortasha eńbekaqysy, baǵdarlamanyń ózektiligin baǵalaý, sondaı-aq túlekterdiń saýalnama qorytyndysy mańyzdy ólshem bolatyn ádistemege sáıkes júrgizildi.

Sonymen qatar, salalyq sarapshylardy qatystyra otyryp, bilim berý baǵdarlamalarynyń mazmundyq alshaqtyǵy baǵalanyp, taldandy. «Qurylys» mamandyǵy 35 joǵary oqý ornynda bar ekeni anyqtaldy.

Budan bólek, Ortalyq Azıa ýnıversıteti, Kaspıı qoǵamdyq ýnıversıtetine is júzinde tájirıbesi bar oqytýshylardy izdestirýge kóp kóńil bólýge keńes berildi.

Taratylǵan málimetterge qaraǵanda, elimiz boıynsha joǵary eńbekaqy «Munaı-gaz isi» mamandyǵynda tirkelgen, ortasha eńbekaqy  - 250 000 teńge. Al eń tómengi eńbekaqy «Bıotehnologıa» mamandyǵyn támamdaǵan ( ortasha eńbekaqy - 70 000 teńge) túlekter úlesinde.

Sonymen qatar, joǵary oqý ornyn bitirgennen keıingi alǵashqy jyly jumysqa ornalasý deregi de mańyzdy. «Munaı-gaz isi» mamandyǵy boıynsha bilim alǵan túlekterde úzdik kórsetkish 84 paıyz bolsa,  «Bıotehnologıa» mamandyǵyn bitirgen túlekterdiń jumysqa birden ornalasý kórsetkishi tómendeý, ıaǵnı 56 paıyzdy quraıdy.

Aıta keteıik, osy jyldyń sońyna deıin Ulttyq kásipkerler palatasy 50-den astam mamandyqtyń reıtıńin usynatyn bolady.

QR Bilim jáne ǵylym mınıstrligi men «Atameken» QR Ulttyq kásipkerler palatasy joǵary oqý oryndarynyń bilim berý baǵdarlamalaryn (bakalavrıat) baǵalaý jumysyn birlese atqaryp otyr.

---