InfoHub Logo

Aqshany kóp tabý ǵana mańyzdy emes, sonymen qatar ony durys jarata bilý de óner. Búgin «Hoým Kredıt Bank» arnaıy Bilim-all.kz  oqyrmandary úshin qarjylyq táýelsizdikke bir qadam jaqyndaýǵa septigin tıgizetin kitaptardy oqýǵa keńes beredi.

1. «Ámıan, álde ómir?» (Koshelók ılı jızn?), avtory Vıkı Robın.

Kitap aqshaǵa degen qarym-qatynasyńyzdy ózgertip, aqsha úshin ómir súrýdi emes, aqshany baqylaýda ustaýdy úıretedi.

Ózgermeıtin dılem: Ómirińizde Siz aqshany basqarasyz nemese kerisinshe aqsha Sizdi basqarady. Eger ómirińizdi barlyq qýanyshtardy umytyp, aqshanyń artynan qýýǵa arnaǵyńyz kelmese — bul kitap Siz úshin taptyrmas kómekshi.

2. «Aqshanyń qupıa tili. Aqyldy qarjylyq sheshimderdi qalaı qabyldaý kerek» (Taınyı ıazyk deneg. Kak prınımat razýmnye fınansovye reshenıa), avtory Devıd Krúger.

Barlyǵymyz aqylǵa qonymsyz shyǵyndarǵa ákelip soǵatyn belgili bir qatelikterdi qaıtalaı beremiz. Ózimizdiń tapqan tabysymyzdan shyǵyndarymyz kóp, aqsha úshin kóńil-kúıimiz túsip, janjal shyǵaramyz. Bul kitap ózińniń qarjylyq jaǵdaıyn jaqsartqysy keletin, alaıda buǵan qalaı qol jetkizý keregin bilmeıtin jandarǵa arnalǵan.

3. «Aýqatty áke, kedeı áke» (Bogatyı papa, bednyı papa), avtorlary Robert Kııosakı jáne Sharon Lechter.

Avtorlar balalar úshin qarjylyq bilimniń qajettiligin jańasha kózqarasta kórsetýge tyrysqan. Kitap qarjylyq qarym-qatynasty materıaldyq ál-aýqattyń irgetasyn qalaıtyn qural retinde kórsetip, qarjylyq ónimdiliktiń qaǵıdalaryn túsinýge úıretedi.
Qarjylyq turaqtylyqqa qol jetkizýdi kózdeıtinderge osy kitapty oqýǵa keńes beremiz.

4. «Aqsha. Oıyndy meńger» (Dengı. Ovladeı ıgroı), avtory Entonı Robbıns.

Kitapta ózińiz jáne otbasyńyz úshin qarjylyq táýelsizdikke qalaı qol jetkizýge bolatyny jaıly jazylǵan. Bul qyzyqty kitap zeınetaqyny dáýletti adam retinde qarsy alýǵa, jeke qarjyny tıimdi basqarýǵa kómektesedi.

5. «Qarajat álemine saıahat. Balalarǵa arnalǵan otbasylyq qarjy týraly ózin-ózi oqytý quraly (Detı ı dengı. Samoýchıtel semeınyh fınansov dlá deteı), Evgenıa Blıskavka.

Kitap balalarǵa qarjy negizderin túsindirýge, ári sol bilimdi birden tájirıbe júzinde paıdalanýǵa kómektesedi. Balalar tapsyrmalardy  kitaptan tikeleı oryndaý múmkindigine, al ata-analar balalarmen qyzyqty da paıdaly ýaqyt ótkizýge qýanary anyq.

---