Birinshi synyp oqýshylaryna kúndizgi uıqyny uıymdastyrý kerek - Jandarbek Bekshın
QR DSM Qoǵamdyq densaýlyq saqtaý komıtetiniń tóraǵasy Jandarbek Bekshın oqýshylardyń kún rejimin qatań saqtaýǵa shaqyrdy.
«Oqýshylardyń kún rejimi máselesine nazar aýdarǵym keledi. Árıne, mektepke baratyn ýaqytta, balalardy kún rejimin oryndaýǵa daıyndaýymyz kerek», - dedi Bas sanıtarlyq dáriger Ortalyq komýnıkasıalar qyzmetinde.
Rejim degen uǵymǵa is-qımyldyń, demalýdyń jáne tamaqtanýdyń barlyq túrlerin táýlik boıy uıymdastyrý jáne bólý kiredi. Kez kelgen retsizdik balanyń densaýlyǵyna, ıaǵnı kóńil-kúıine, sabaq úlgerimine áser etedi. Atap aıtqanda, oqýshynyń densaýlyǵyna uıqy, tamaqtaný jáne qozǵalys belsendiliginiń yqpaly zor.
«Balanyń jas ereksheligine qaraı uıqysy qanýy kerek. Oqýshylar úshin túngi uıqynyń shamalanǵan normasyna toqtalsaq, 1-4-synyptarda 10-10,5 saǵatty, 4-7-synyptarda - 9,5-10 saǵatty, 8-9-synyptarda - 9-9,5 saǵatty, sondaı-aq 10-11-synyptarda - 8-9-saǵatty quraýy kerek», - dedi ol.
J. Bekshınniń sózine qaraǵanda, oqýshylarǵa emtıhan aldynda, baqylaý jumysynyń aldynda jáne basqa da aqyl-oı júktemesi kezinde ádettegi uıqy ýaqytyn (keminde 1 saǵatqa) uzartý kózdelgen.
«Birinshi synyp oqýshylaryna múmkindiginshe kúndizgi uıqyny (2 saǵatqa sozylatyn) uıymdastyrý usynylady», - dep naqtylady ol.
Belgili bolǵandaı, 2-2,5 saǵatqa erte oıanyp, uıqysy qanbaıtyn balalardyń sabaqtaǵy belsendiliginiń deńgeıi 30 paıyzǵa tómendeıdi.
You Might Also Like
-
Kúıikter, teriniń qyshýy, alergıa — bular osy ósimdikterge adam terisi janasqan jaǵdaıda bolatyn jaǵymsyz áserlerdiń tolyq tizimi emes.
-
Google servısindegi sizdiń jeke derekterińiz kenetten basqalar úshin qoljetimdi bolyp qalýy múmkin. Biz sizderge mundaı keleńsizdikti qalaı túzeýge bolatynyn aıtamyz.
