InfoHub Logo

Táýelsizdik!.. Osy bir 11 áriptik sózdiń ózińde qanshama mán-maǵyna, úlken bir tarıh jatyr deseńizshi. Táýelsizdik- bizdiń baǵa jetpes baılyǵymyz, baıandy baqytymyz.Babalarymyz ańsaǵan táýelsizdik bizge naızanyń ushymen, bilektiń kúshimen, jan qıýmen, aqylmen, parasatpen kelgen qasıetti de kıeli uǵym. Táýelsizdik jolyndaǵy kúresterdiń biraz bóligine kóz júgirtip kóreıik.

Tarıhtyń tereńine kóz salar bolsaq, ata-babamyz sonaý zamannan azat eldi arman etti. Aq Orda, Kereı men Áz Jánibek babalarymyz negizin qalaǵan qazaq handyǵy búgingi «qoı ústinde boztorǵaı jumyrtqalaǵan» tynysh ári beıbit zamanda ómir súrý úshin ne kórmedi deseńizshi?! Tarıhtyń qaı zamanyń alyp qarasaq ta, qazaq eli, jeri úshin janyn bergen. 1917 jyldan bastap Alıhan Bókeıhanov, Ahmet Baıtursynuly, Mirjaqyp Dýlatov bastaǵan «Alash» partıasynyń negizgi maqsaty - Reseıge bodan bolmaı, elimizdi kemel etý.

1930-1932 jyldary elimiz asharshylyq qurbany bolyp, 9 mıllıonnan astam qazaǵymyz qyryldy, biraq ata-babalarymyz eshqashan eńsesin túsirmeı, alǵa qaraı qadam basýdan taıǵan emes.

Odan beri 1941-1945 jyldary myńdaǵan otbasy balasynan, baýyrynan, ákesinen aıyryldy. Elimizdiń batyrlary Otan úshin jan aıamaı otqa tústi. Baýyrjan Momyshuly, Mánshúk Mámetova, Álıa Moldaǵulova sekildi batyrlarymyzdyń qosqan úlesiniń arqasynda jaý talqandaldy. Biz taǵy da jeńis tuǵyryna kóterildik.

1986 jyl. Jeltoqsan oqıǵasy. Táýelsizdik jolyndaǵy san kúrestiń sońǵy núktesi qoıyldy. Bul kóteriliste el jastarynyń táýelsizdikke degen umtylysynyń ishtegi jatqan yzasy, boıyndaǵy namysy atylyp shyqqandaı. Yzǵarly jeltoqsan jeli ózimen talaı beıkúná jastarymyzdy alyp ketti. Jeltoqsan jeli qansha jerden yzǵarly bolsa da, janymyzǵa nur septi. Táýelsizdik alýǵa degen jaryq sáýle paıda boldy .Bul oraıda halyq batyrlary Qaırat Rysqulbekov, Lázzat Asanova,Sábıra Muhamedjanova syndy aǵa- ápkelerimizdi eske almaý múmkin emes. Jeltoqsan jańǵyryǵy bizge Táýelsizdiktiń tańynyń atýyna sebep boldy, sondyqtan da 1986 jyldaǵy 16 jeltoqsan el tarıhynda qasıetti de qasterli kún.

1991 jyl. Biz ańsaǵan táýelsizdikke qol jetkizdik. Babalarymyzdyń armany, jastardyń maqsaty Táýelsizdik tańy atty. Búginde sol Táýelsizdikke 30 jyl. Osy ýaqyt aralyǵynda elimiz talaı asýlardy asyp, talaı belesterdi baǵyndyrdy. «Búgingi kún- erteńgi tarıh» demekshi, birinshiden, elimizdiń kemeńger basshysy taǵaıyndaldy. Álemde teńdesi joq

 ...Táýelsizdik – ata-babalarymyzdyń júzdegen jyldarmen  ólshenetin arman-ańsarynyń júzege asqan aqıqaty.
 Nursultan Nazarbaev

Astanamyz salyndy. Ata-zańymyz, kók baıraǵymyz, eltańbamyz, ulttyq valútamyz qabyldandy. Sheteldermen dıplomatıalyq qatynas ornatyldy. Qazaqstanymyz kúlli elmen keregesi keń, terezesi teń jaǵdaıǵa jetti.

Ekinshiden, Tuńǵysh Elbasymyz qabyldaǵan «Qazaqstan-2050» ,«Qazaqstan- 2030» strategıalarynyń arqasynda Otanymyz damyǵan 50,30 eldiń qataryna endi.

Úshinshiden, elimiz jyldan jylǵa kórkeıip, damyp keledi. Osy tusta Elbasynyń eńbekterin, halqy úshin jasaǵan ıgi isterin tilge tıek etpeý múmkin emes. Bul Táýelsizdik jyldaryndaǵy jasalǵan eren eńbekterdiń bir bóligi ǵana. Óz basym, azat elde týǵanyma,dúnıe esigin ashqaly eshbir soǵysty kórmeı,osyndaı damyǵan elde ómir súrip jatqanym Alladan keıin Elbasymyzdyń danalyǵynyń arqasy dep bilemin. Osy kúnderim úshin ata- baba rýhtaryna myń da bir shúkir! Men Táýelsiz eldiń baqytty ulanymyn. Men sheksiz baqyttymyn! Nege deısiz be?!

Sebebi: meniń Táýelsiz elim, ana tilim, ata-babamnan mura bolyp qalǵan kıeli jerim bar. Men úshin odan basqa baqyt bar ma?
Maǵjan Jumabaev atamyz :
Arystandaı aıbatty,
Jolbarystaı qaıratty-
Qyrandaı kúshti qanatty.

Men jastarǵa senemin! - dep jyrlaǵandaı, keleshek – jastardiki. Meniń armanym bıik. Men keleshegimnen zor úmit kútemin. Úmitimniń
shyraǵy sónbes úshin Saryarqa tórindegi Qaraǵandy ýnıversıtetin tańdadym. Tarıhı tamyry tereńge boılaǵan bilim ordasy- talaıdyń baǵyn jaqqan qutty meken. Bul mekenniń aýasyn erkin simirip, berer bilimin boıyma baldaı sińirip, bilikti maman atanyp, aqqa jaq bolý, ádildiktiń aq týynyń astynda ótkendi jańǵyrtyp, kemel bolashaq qurý.

Olaı bolsa,elimizdiń erteńi, jarqyn bolashaǵy, jas jýrnalıs retinde Táýelsizdik tuǵyrynyń máńgi bolýy, elimizdiń ósip-órkendep, damýy meniń qolymda. Osyndaı aıqyn maqsatymmen elimniń bolashaǵynyń jarqyn bolýyna aıanbaı eńbek etemin, ata- baba jolyn nyq senimmen jalǵastyramyn. Boıymdaǵy patrıottyq sezim, elime, jerime degen mahabbat meni alysqa jeteleri haq.

Táýelsiz eldiń ashyq aspanynda kók baıraǵymyz árqashan jelbireı bersin!
Jasaı ber, qazaǵym!

Ýlanova Elnýra Ýlanqyzy

---