InfoHub Logo

Sabaqtyń taqyryby: Táýelsizdik tiregim, elim dep soqqan júregim!
Maqsaty: Oqýshylardyń ótken tarıhymyzǵa degen ulttyq kózqarastaryn qalyptastyrý eldi, jerdi Otanyn súıýge jáne egemen elimizdi saqtaýǵa jáne ony gúldendirýge qushtar patrıottyq kúsh – qýaty mol jastardy tárbıeleý.
Sabaqtyń túri: ıntellektýaldy ashyq tárbıe saǵaty
Ótetin orny: «Atameken», «Qazaqstan kartasy», MKQK etno - materıaldyq kesheni
Kórnekiligi: Qazaqstan Respýblıkasynyń rámizderi, balalardyń salǵan sýreti, slaıdtar, shyǵarmashylyq jumystary

Sabaqbarysy:
1. Topqa bóliný
Barys, búrkit, jylqy sýretterin tańdap, sol arqyly úsh topqa bólinedi.
2. Sýret qupıasy
Slaıdtaǵy qupıa sóz arqyly tárbıe saǵatymyzdyń taqyrybyn anyqtaıdy.
3. «Beınebaıan» /1 mın/

Muǵalimniń kirispe sózi:
16 jeltoqsan – Alty alashtyń aıbynyn aıǵaqtaǵan, ata - babamyzdyń armany oryndalyp, jasampazdyǵymyzdy jańa beleske kótergen Táýelsizdik kúni. Ótken ǵasyrdyń 1991 jylǵy 16 jeltoqsanda Prızıdent Nursultan Nazarbaev qol qoıǵan Konstıtýtsıalyq Zańnan bastaý alǵan táýelsizdigimizge, mine, 22 jyl tolypty. «Baqyt – baǵasyn bilgenniń basynda ǵana turady»,- dep elbasy sózi táýelsizdigimizdi táý etip turýǵa shaqyryp turǵandaı emes pe?! Danagóı babalarymyz: halyqtyń ómiri memlekettiń ómir súrýiniń mán - maǵynasyna aınalǵanda ǵana adamdar rýhanı tirekke taban tireıdi dep tegin aıtpaǵan ǵoı. Táýelsizdik – bul azap pen tózimniń, halyqtyń san ǵasyrlar boıy erkindikti ańsaǵan shydamynyń óteýi. Táýelsizdik – 1986 jylǵy Jeltoqsan oqıǵasynda alańǵa shyqqan jastardyń erik - jigeri, eń aldymen barsha qazaqstandyqtardyń arman - muratynyń saltanat qurýy. Jańa álemdegi jańa Qazaqstannyń búgingi qudiretti kúshi el birliginde, ulttar tatýlyǵynda jatyr. San túrli kedergiler men aýyr syndarǵa qaramastan, elimiz táýelsizdiginiń árbir qadamy qaı kezde de bizdiń júregimizdi aıryqsha tolqynysqa bóleıdi, keýdemizdi qýanysh kerneıdi. Bul – shynaıy sezimdi óziniń týǵan Otanynyń patrıoty men tek onyń erkin azamaty ǵana sezine alady. Tarıhyn qasterleıtin urpaq sizdersizder!

Olaı bolatyn bolsa, synaqtan súrinbeı ótýlerińizge tilektespin. Sharlardy atyp, ishindegi suraqqa jaýap beremiz. Shar jarylmasa kezekti kelesi top alady. Durys jaýap qorjyndaryńyzdy juldyzshamen tolyqtyrady.
• Ánurannyń avtorlary
• Qazaqstan Respýblıkasynyń táýelsizdigine qaı jyly 10 jyl toldy?
• Tarıhtaǵy «Aqtaban shubyryndy, alakól sulama» jońǵar shapqynshylyǵy qaı jyldary boldy?
• Kenesary Qasymuly bastaǵan ult - azattyq kóterilis
• «Kishi oktábr» saıasatynyń zardaby
• Amangeldi Imanov bastaǵan ult - azattyq kóterilis qaı jyly boldy?
• Mýzykalyq suraq (áýeni arqyly ándi taýyp, bir shýmaǵyn aıtý)
• Úsh kemeńger dúldilim,
Saqtaǵan el birligin (úsh bıdi ata)
• Kúnádan taza basym bar,
Jıyrma birde jasym bar (jalǵastyr)
• «Baqyt – baǵasyn bilgenniń basynda ǵana turady» - kimniń sózi?

4. «Kóshbasshy tulǵalar»
Tarıh betterinde táýelsizdik jolynda júrekteri «elim», «jerim» dep soqqan kóshbasshylardy eske túsirip, flıpchartqa jazýlaryńyz qajet. Ár top ózderiniń jazǵan kóshbasshylaryn daýystap oqıdy. Eń kóp jazǵan top 3 juldyzsha, kelesi top 2 juldyzsha, kelesi top 1 juldyzsha alady.

5. «Bolashaqqa qadam...»
Bir top sazermek, ekinshi top boıaý qaryndash, qaǵaz, úshinshi top túrli - tústi qaǵazdan kollaj jasaýlary qajet.
/Mýzykalyq úzilis: Sáýirbaeva Ásemniń oryndaýynda «Týǵan jer» áni/

6. «Men - qandaı kóshbasshymyn? Meniń táýelsiz elime tilegim»
Búgingi sabaǵymyzdy qorytyndylaıyq. Juldyzshalaryńyzdy sanańyzdar. Moıyndaryńyzda ilinip turǵan keıipkerlerdiń beınesi qazaq bolmysyna jaqyn búrkit, barys, jylqy. Olardyń beınesin qaıdan kezdestirdińizder? Sizder olardy ózderińiz tańdap aldyńyzdar, ıaǵnı olarda bar minez sizderde bar. Solaı ma?

7. Qorytyndy
Moıyndaryńyzdaǵy sýrettiń artqy jaǵyna qandaı kóshbasshy ekenderińizdi jáne táýelsiz elimizge tilegimizdi jazamyz. Ortaǵa kelip, sheńber bolyp «Bul dúnıede bizdiń bir ǵana Otanymyz bar, ol – táýelsiz Qazaqstan» barlyq oqýshy horymen aıtady.