InfoHub Logo

«Táýelsizdiktiń aq tańy» (Ádebı montaj retinde qurastyrylǵan tárbıe saǵaty )

Tárbıe saǵatynyń maqsaty: oqýshylarǵa qazaq halqynyń bastarynan keshken qıyndyqtar men kúrester týraly aıta otyryp, jeltoqsanda óz ómiri, erligimen úlgi bolǵan aǵa - apalary týraly aıtyp, olardy árqashanda jadylarynda saqtap, óz elderiniń naǵyz patrıoty bolýǵa tárbıeleý. Eliniń erlerin maqtan tutýǵa tárbıeleý; Boılaryna adamgershilik, otanshyldyq qasıetterin damytý.

Tárbıe saǵatynyń túri: tanym saǵaty.
Kórnekilikter: beınefılm, slaıd «Táýelsizdiktiń aq tańy»,. sharlar men flajoktar

Ońtaıly kúıge kelý sáti.
Taqtada «Táýelsizdiktiń aq tańy» atty slaıd júrip turady. Oqýshylar taqpaq oqyǵanda aqyryn mýzyka oınap turady.

Muǵalimniń kirispe sózi. (Táýelsizdik degen ne, qazaq halqynyń qoly bostandyqqa qalaı jetti, qandaı batyrlarymen maqtana alatyny jaıly aıtyp ótedi, Táýelsizdik kúnimen quttyqtap, oqýshylarǵa sóz beredi)

Júrgizýshi: — Armysyzdar, qurmetti ustazdar, oqýshylar jáne ata - analar! Táýelsizdigimizdiń 22 jyldyǵyna arnalǵan «Táýelsizdiktiń aq tańy» atty ashyq tárbıe saǵatyna qosh keldińizder!

Ánurandy oryndaý

1 - júrgizýshi: 1986 jylǵy Jeltoqsan oqıǵasy Keńes ımperıasynyń totalıtarlyq rejımine tuńǵysh ret qarsylyq retinde tarıhta qaldy. Bizge táýelsizdik týyn, qazaqtyń kók baıraǵyn bıik kóterip, el ekenimizdi dáleldep, dúnıe júzine tanylýymyzǵa sebep bolǵan jáne dúnıeni dúr silkindirgen Jeltoqsan oqıǵasyna bıyl 27 jyl tolyp otyr.

2 - júrgizýshi:
«Men – qazaq, qazaqpyn dep maqtanamyn,
Uranǵa «alash» degen atty alamyn» - dep azattyqty ańsaǵan, sol jolda aıanbaı eńbek etken alash arystarynyń bári de qýǵyn súrginge ushyrady. Jeltoqsan qurbandary – aǵa – apalarymyz da, olardyń erlikteri de máńgi esimizde jattalyp qalmaq.

1 oqýshy:
Qalmady jalyn jastyq basqa amaly,
Shalqaıdy ımperıa tas qamaly.
Qazaqtyń táýelsizdik alǵan kúni,
Yzǵarly jeltoqsannan bastalady.

2 oqýshy:
Ashý - yza qaınaýynyń jetti olar shegine,
Kóterildi búkil jastar jalyn bolar eline.
1986 boıaldy jastar qanymen,
Jeltoqsannyń on altysy este qalar janymen.

3 oqýshy:
Rysqulbekov Qaırat edi ereýildiń basynda,
Asanqyzy Lázzat penen Álıa bar qasynda.
Aıamady eshqaısysyn, ereýildi bastaǵan,
Qazaǵymnyń jastaryn ajal otyna tastaǵan.

4 oqýshy:
Sál aıaldap, taǵzym etpeı bul alańnan ótpeńder.....
Jeltoqsanda yzǵyryqtan titirkenip kók pen jer.
Bul jer, qalqam, asqaq rýh jarylysy ótken jer,
Erte eseıgen arý qyzdy shashtan súırep, tepken jer,
Jatty munda esten tanyp kúzge aınalǵan kóktemder....