tengrinews.kz
Temirtaýdaǵy balabaqsha tárbıeshisi kamera jazbasyn kórgen soń jumystan shyǵaryldy
Qaraǵandy oblysynyń Temirtaý qalasyndaǵy memlekettik balabaqshada bolǵan oqıǵa jurtshylyqtyń nazaryn aýdardy. Ata-analar tárbıeshiniń sabaq kezinde kishkentaı qyz balaǵa qol jumsaǵanyn kórip, qatty shoshyndy. Bul týraly Stan.kz aqparat agenttigi habarlaıdy.
Balabaqshadaǵy jan túrshigerlik jaǵdaı
Mektepke deıingi toptaǵy kameranyń jazbalary ata-analardy eseńgiretip tastady. Kadrlarda tárbıeshiniń alty jasar qyz balany mańdaıynan birneshe ret uryp, daýys kóterip, ashýlanǵany kórinedi. Bul jaǵdaıdyń qalaı áshkere bolǵany ázirge belgisiz.
Tárbıeshi jumystan bosatyldy
Oqıǵadan keıin dereý tárbıeshi jumystan shyǵaryldy. Al balabaqsha dırektoryna sógis jarıalandy. Temirtaý qalalyq bilim bóliminiń basshysy Halıpa Jaýdınova bul jaǵdaıǵa qatysty: «Bul fakti boıynsha Temirtaý qalalyq bilim bólimi komısıa quryp, qyzmettik tergeý júrgizdi. Tergeý qorytyndysy boıynsha tárbıeshi qyzmetinen zań boıynsha bosatyldy», - dep málimdedi.
-
Shemonaıha qalasynda jańa ınfeksıalyq aýrýhana salynyp jatqan jerden adam qaldyqtary tabylǵan soń, jergilikti turǵyndar alańdaýshylyq bildirdi. Bul jerde buryn obadan ólgender jerlengen bolýy múmkin degen boljam bar.
-
A kindergarten teacher in Temirtau has been dismissed following the release of disturbing CCTV footage showing her striking a young child.
