InfoHub Logo

Áleýmettik jelilerde Qazaqstanda turýǵa yqtıarhat (VNJ) alý úshin sheteldikterge memlekettik tildi bilýge qoıylatyn jańa talaptar týraly aqparat taraýda. Eńbek jáne halyqty áleýmettik qorǵaý mınıstrligi bul máselege qatysty túsinikteme berdi.

Bul týraly Infohub.kz aqparat agenttigi habarlaıdy.

Jeli qoldanýshylary VNJ alý úshin buryn A1 deńgeıi jetkilikti bolsa, endi B2 deńgeıi talap etiletinin jazýda. Bul ózgeristerdiń eshqandaı qosymsha ýaqyt berilmesten kúshine engeni aıtylady. Jańa talaptarǵa sáıkes kelmegendikten, qujattaryn daıyndap qoıǵan azamattardyń keri qaıtarylǵany týraly da málimetter bar.

Mınıstrlik ne deıdi?

Eńbek jáne halyqty áleýmettik qorǵaý mınıstrliginiń habarlaýynsha, til bilýge qatysty naqty talaptar Qazaqstan azamattyǵyn alýǵa nıet bildirgenderge ǵana qatysty. Mınıstr Asqarbek Ertaevtyń aıtýynsha, bul – halyqaralyq tájirıbedegi qalypty jaǵdaı.

Keıbir sheteldikter úshin VNJ alý jeńildetildi

Sonymen qatar, mınıstrlik keıbir sanattaǵy sheteldikter úshin VNJ alý erejeleriniń kerisinshe jeńildetilgenin atap ótti. Eger mamandyǵyńyz el úshin qajetti bolsa (mysaly, IT-maman, ınjener, fızık-ádroshy, neırohırýrg, onkolog jáne t.b.), onda til synaǵynan ótýdiń nemese skorıng rásiminen ótýdiń qajeti joq. Bul shamamen 51 mamandyqty qamtıdy. Bul tizim 2023 jyly 21 mamandyqty qamtyǵan bolatyn.