InfoHub Logo

Qostanaılyq «Tobol» fýtbol klýby 2026 jylǵy Qazaqstan Sýperkýbogynyń ıegeri atandy. Bul týraly Infohub.kz aqparat agenttigi habarlaıdy.

Trofeı úshin tartys «Astana Arena» stadıonynda ótti. Almatylyq «Qaırat» eldiń qazirgi chempıony retinde, al qarsylasy retinde Qazaqstan kýbogynyń ıegeri — qostanaılyq «Tobol» óner kórsetti.

Mach barysy

Oıynnyń 6-shy mınýtynda-aq «Tobol» esep ashty. Venesýelalyq shabýylshy Lýıs Gerra «Qaırat» qaqpashysymen jeke shyǵyp, bos qalǵan qaqpany dál kózdedi.

Al 20-shy mınýtta «Qaırat» qarsylas aıyp alańyndaǵy shataqtan keıin esepti teńestirdi. Almatylyq qorǵaýshy Aleksandr Mrynskıı mergendik tanytty.

5 mınýttan keıin «Qaırat» alǵa shyǵýǵa múmkindik aldy. «Tobol» qorǵaýshysy óz aıyp alańynda fol jasady. Penaltıdi portýgalıalyq Jorjıno oryndady, biraq ol dopty «Tobol» qaqpashysynyń utqyrlyǵymen sol jaq buryshqa tepti. Dopty qaıtaryp alǵan oıynshy — almatylyqtardyń jańa oıynshysy Iaakko Oksanen boldy.

Machtyń 89-shy mınýtynda «Tobol» kapıtany Asqat Taǵybergen aıyp dobyn sátti oryndap, esepti teńestirdi.

Penaltı serıasy

Týrnır erejesi boıynsha, negizgi ýaqytta teń nátıje tirkelgen jaǵdaıda oıyn penaltı serıasyna aýystyrylady.

Qorytyndyda komandalar jeńimpazdy penaltı serıasynda anyqtaýǵa májbúr boldy. Munda «Tobol» oıynshylary basymdyq tanytyp, 4:5 esebimen jeńiske jetti.

Osy kúnge deıin «Qaırat» pen «Tobol» Qazaqstan Sýperkýbogyn úsh retten ıelengen bolatyn. Almatylyqtar 2016, 2017 jáne 2025 jyldary, al qostanaılyq klýb 2021, 2022 jáne 2024 jyldary top jarǵan.