InfoHub Logo

Taqyryby: «Tolaǵaı» otbasylar saıysy
Maqsaty: Salaýatty ómir saltyn qalyptastyrý, ata - anamen bala arasynda sport mádenıetin keń taratý. Oqýshylardy jáne ata - analardy sulý da symbatty, densaýlyǵy zor, kúshti bolý úshin deneni shynyqtyrý, olarǵa sportpen aınalysýdyń qajet ekendigin túsindirý.
Ótiletin orny: Sport zaly
Kórnekiligi: túrli - tústi sharlar, doptar, kedergiler, jalaýshalar, sekirtpeler, ysqyryq, ýaqyt ólsheýish.
Barysy:
1 - júrgizýshi: Qurmetti ustazdar, ata - analar jáne oqýshylar! Búgingi «Tolaǵaı» otbasylar saıysyna qosh keldińizder!
Shynyqsań shymyr bolasyń,
Saýyǵyp aıdaı tolasyń.
Sportty serik ete bil,
Jaqsy azamat bolasyń.
Jeńimpaz bolý ońaı ma,
Arman bolǵan talaıǵa?
Bolmasań da uqsap baq,
Jarysqa túsip qalaıda.

2 - júrgizýshi: «Tolaǵaı» otbasylar saıysy – elimizdegi otbasylardyń atsalysýymen ótetin tárbıelik mańyzy zor oıyn - saýyqty baǵdarlama. Osyndaı baǵdarlama búginde bizdiń mektebimizde 7a klass oqýshylary men belsendi ata - analarymyzdyń arasynda ótkizgeli otyrmyz. 4otbasy qatysady, sonyń bireýi ǵana jeńimpaz bolady.
Ár tańdy baqytpenen attyramyz
Ónerdi oı kóginde baqylańyz,
Saıysqa qatysýǵa endi ortaǵa
«TOLAǴAIǴA»qatysatyn
Otbasylaryn shaqyramyz.
Ustanǵan salaýatty ómir saltyn,
Jasqanyp, eshqashan da moıymaıtyn,
Bolashaq sportshylar keldi ortaǵa
Qol soǵyp qarsy alaıyq, qane, halqym!
(ár otbasy oryndaryna kelip turady)
1 - top: «Shańyraq»
2 - top: «Bosaǵa»
3 - top: «Altyn besik»

«Shańyraq» tobyn ortaǵa shaqyramyz
Toptyń urany: Bárimiz birimiz úshin!
«Bosaǵa»tobyn ortaǵa shaqyramyz
Toptyń urany: Biz árqashanda myqty
Bárin jeńip shyqty
«Altyn besik»tobyn ortaǵa shaqyramyz
Toptyń urany: Biz shymyr sergek denemiz, óner súıer órenbiz.
7 klass oryndaýynda «Tolaǵaı» áni

Al, qurmetti halaıyq!
Jarysty endi kórińder
Ádil qazy alqasy
Ádil baǵa berińder!
Saıysty bastamas buryn, saıysymyzǵa ádil baǵa beretin ádilqazylar alqasymen tanystyraıyq.
1. Dene shynyqtyrý pán muǵalimi Qýan Nurbek
2. Dene shynyqtyrý páni muǵalimi Toıjan Nursáýle
3. Ata - analar komıtetiniń tóraıymy Abdýlına Gúlshat
Sporttyq saıysymyz 5 baldyq júıemen baǵalanady.
1 - júrgizýshi: Tálimdi tárbıe otbasynan bastaý alsa, deni saý urpaq – ult bolashaǵy bolmaq. Ár otbasynda ata - ana shańyraqtyń negizgi irge tasy bolyp eseptelinedi. Sondyqtan, bala ómirinde salaýatty ómir saltyn qalyptastyrýda áke men ananyń róli orasań zor.
2 - júrgizýshi: Sport - densaýlyq kepili desek, «Tolaǵaı» otbasylar saıysy otbasylyq tárbıe men salaýatty ómir saltyn nasıhattaý maqsatynda uıymdastyrylyp otyr.
Búgingi saıystyń baǵdarlamasy 9 kezeńnen turady

1- kezeń: «Teńbildop»
Sharty: Bul oıynda top músheleriniń árqaısysyna ár túrli tapsyrma beriledi. Berilgen tapsyrma boıynsha belgilengen mejege ortada qurylǵan fıshkalardyń arasymen ótip júgirip baryp kelýi kerek. Oıyn kezinde fıshkalardy qulatpaý, tapsyrmany tolyq oryndaý shart.
1. Fýtbol dobyn aıaqpen teýip júgirý.
2. Basketbol dobyn uryp júgirý.
3. Raketkamen sharıkti joǵary serpitip alyp júgirý.

2 - kezeń: «Qaqpashy»
Sharty: Bul oıynda toptyń bir múshesi toptaryna qarama - qarsy 10 metr jerge baryp qolyna shelek ustap turady. Qalǵan oıynshylar birtindep voleıbol dobyn laqtyrady. Shelek ustaǵan oıynshy laqtyrǵan dopty
qolyndaǵy shelekpen qaǵyp alýy kerek.
Bı: 7 klass oqýshylary «gımnastıka»
3 - kezeń: «Tasymaq»
Sharty: Bul oıynda ár top eki oıynshydan juptasyp arqalaryn túıistiredi de ortalaryna dop qystyryp alyp júgiredi. Belgi boıynsha oıyndy bastap belgilengen mejege ortada qurylǵan fıshkalardyń arasymen ótip júrip baryp kelýi kerek. Oıyn kezinde fıshkalardy qulatpaý, tapsyrmany tolyq oryndaý shart.
Nurlybek Nursaıa men Ǵalym Nurjanattyń oryndaýynda «Tek alǵa» áni
4 - kezeń: «Jemis jıdek jınaý»
Sharty: 2 - 3 metr sheńber syzylady sonyń ishine alma shashylady. Anasynyń basyna shelek kıgizip qyzy jetelep shashylǵan jemiske qaraı baǵyttaıdy. Mamasy tezdete jınaıdy.

5 - kezeń: «Shyǵyrshyqpen bir - birin tasymaldaý»
Sharty: Ár topqa 2 shyǵyrshyq beriledi. Aldyńǵy turǵan oıynshy 1 shyǵyrshyqty jerge qoıyp bári ishine turady. Ekinshi shyǵyrshyqta osylaı qaıtalanady.

6 - kezeń: «Kim kóp sekiredi?»
Sharty: Ata - anasy skakalkany eki jaqtan ustap, balany sekirtedi. 10 - nan asyrý kerek.

7 - kezeń: «Bilimdi kengýrý»
Sharty: Ata - anasy, balasy kezekpen dopty tizege qysyp jasalǵan kedergilerden sekirip baryp, matematıkalyq bir - bir esepti shyǵarý kerek.
Bı: 7 klastyń oryndaýynda «Jastar bıi»

8 - kezeń: «Emosıany nemese is - áreketti qaıtala»
Sharty: Ata - ana kezekpen kezek turǵan shardy alyp, otyryp jarý kerek. Shardyń ishinde jazylǵan emosıany túsindirý kerek. Kezekte turǵan ata - ana sony sheshý kerek.

9 - kezeń «Jeńiske jetý»
Sharty: Ata - ana, bala kezekpen - kezek kedergilerden ótip skakalkamen tý turǵan jerge barady. Týdy alyp keledi de kezekte turǵanǵa beredi. Ol alyp qaıtadan ornyna alyp barady. Jáne sońǵysy alyp keledi.
«Shańyraq» tobyn ortaǵa shaqyramyz
Toptyń urany: Bárimiz birimiz úshin!
«Bosaǵa»tobyn ortaǵa shaqyramyz
Toptyń urany: Biz árqashanda myqty
Bárin jeńip shyqty
«Altyn besik»tobyn ortaǵa shaqyramyz
Toptyń urany: Biz shymyr sergek denemiz, óner súıer órenbiz.

Qorytyndy bólim
Jarys zańy ejelden -
Jeńimpazdy anyqtaý
Jeńimpaz bolý sharty sol -
Eńbektený, jalyqpaý
Bireý ozsa saıysta,
Bireý artta qalady
Jeńilgender renjimeı
Tarasa bizge jarady, - demekshi saıysymyzdyń sharttary boıynsha qorytyndy shyǵaryp jeńimpazdardy anyqtap, marapattaý sóz ádilqazylarǵa beriledi..

Ýa, halqym nazar aýdar densaýlyqqa!
Ómirde baqyttysyń deniń saý da.
Densaýlyq tereń baqyt degen sózdi
Qur aıtpaǵan uly Abaı danamyz da demekshi
Qurmetti qonaqtar! Kelgenderińizge kóp - kóp rahmet
«Tolaǵaı» áni