InfoHub Logo

Qazaq ádebıeti 8 synyp
Sabaqtyń taqyryby: Tólegen Aıbergenov «Ana» óleńi
Sabaqtyń maqsaty:
Bilimdilik: T. Aıbergenov ómiri men shyǵarmashylyǵy týraly oqýshylardyń tanymdyq qabiletin arttyrý, oılaý kókjıegin keńeıtý, aqynnyń aqyndyq ereksheligine toqtalý, shyǵarma mazmunyn uǵyndyrý.
Damytýshylyq: Oqýshynyń óz betinshe salystyra bilýge úıretý, zertteý, taldaý, qorytyndy, tujyrym jasaýǵa mashyqtandyrý; oı - órisin, sózdik qoryn, shyǵarmashylyq qabiletin arttyrý.
Tárbıelik: Oqýshylardy meıirimdilikke, anany súıip - qadirleı bilýge tárbıeleý, analardyń balasy úshin ne nársege de daıar ekenin uǵyndyrý.
Sabaqtyń tıpi: bilik pen daǵdyny qalyptastyrý.
Sabaqtyń ádisi: áńgimeleý, baıandaý, suraq - jaýap, taldaý, jınaqtaý.
Sabaqtyń túri: syn turǵysynan oılaý
Sabaqtyń kórnekiligi: slaıd, vıdeorolıkter, T. Aıbergenov portreti, kitaptary, aqyn týraly estelikter

Sabaqtyń barysy:
İ. Uıymdastyrý kezeńi.
Shattyq sheńberine turyp, búgingi sabaqqa ynta - jigerin arttyrý úshin, «Meniń qolymnan keledi, óıtkeni men...» óz oılaryn jalǵastyryp aıtady.

İİ. Jańa sabaq.
Muǵalimniń kirispe sózi:
Aıbergenov shyńy
Báısheshektiń ǵumyryndaı taǵdyr keshken márt batyr,
Óleńinde eshbir ǵasyr óshire almas órt jatyr,
Namysyndy dáýirińe etkizbediń qaqpaqyl.
Mine sodan, ultymyzdy rýhsyzdan kúzetip,
Seniń jyryń shekarada áli kunge sapta tur.
M. Shahanov
ÓLE BERSİN KÚNSHİLDER KÚIİGİNDE,
ÓZ ǴASYRYM ÓZİMNİŃ IİNİMDE.
AQ JAŃBYRLAR TOZDYRǴAN TAÝ SIAQTY
MEN ÓLEMİN ÓZİMNİŃ BIİGİMDE!
- Oqýshylar, búgin biz sabaqta qazaqtyń mańdaıyna syımaı ketken aqyn
T. Aıbergenovtiń shyǵarmashylyǵymen tanysamyz jáne aqyn óleńderindegi erekshelikterge toqtalamyz.
Bir toıym bolatyny sózsiz meniń,
Dál qaı kúni ekenin aıta almaımyn.
Biraq, biraq...
Qaıta almaıdy qartyń da bir án salmaı,
Onda ortaǵa tastalar uran sondaı,
Jıyrma bestiń bárin de sabyldyrtam,
Kempirlerge qyz kúnin saǵyndyrtam,
Sábılerge aǵany úlgi etemin,
Jeńgeılerdiń toltyram gúlge etegin..-
dep jyrlap ótken aqyn Tólegen Aıbergenov az ǵana ǵumyrynda halqyna shynaıy poezıanyń tátti shyrynynan dám tatqyzyp, tereń oı men móldir sezimderdi tek ózine tán tabıǵı daralyqpen jetkize bilgen daryndy sýretker. Ol qazaq óleńine tutas bir betburys ala kelgen iri talant ıesi.
Aqyn jaıly tolǵanystar
Amal barma, biz úsh darynnan erte aıyryldyq. Olar – Abdolla, Baýbek, Tólegen.
Ǵabıt Músirepov
Tólegen ómiriniń de, onyń aqyndyq shabytynyń da tym qysqa qaıyrylýy óte ókinishti. Biraq bundaı aqynnyń ekinshi ómiri uzaq bolady. Onyń óleńderi halqyna, bolashaq urpaqtarǵa rýhanı kúsh hám lázzat berip, máńgi jasaıdy.
Ybyraıym Iýsýpov
Jadyńa tut!