Turasyń, meıirimdi Aı, nuryń shashyp,
Buǵyp júr qarańǵylyq betin basyp,
Tolsań da solsań-daǵy aırylmaıtyn
Joldasyń - juldyzyńmen qol ustasyp.
Dalada jolaýshyǵa sen jolbasshy,
Egerde jazataıym júrse adasyp.
Dóńgelek, jarasymdy aq kelbetiń,
Júresiń jyljyp qana ásem basyp.
Ajary aq jambydaı sulýlardyń
Jalǵanda tipti ketpes kórki asyp.
Sáýleńniń túskenine áldeqandaı
Teńizder jan teńgermes jatqan tasyp.
Máz-meıram kókte qatar júrgenine
Juldyzdar ıek qaǵyp jymyńdasyp.
Jalǵyz-aq ishten seni jek kóredi
Eki jar qol ustasqan sybyrlasyp.
«Jaryqta qarańdap, boı kórined!»- dep,
Bir-birin súıise almas maýqyn basyp.
Eljirep kóńilderi, qumar qanbaı,
Aırylar birazdan soń amandasyp.

---