InfoHub Logo

"Tórt túliktiń paıdasy" Biz búgingi qazaq tili páninen ótken ashyq sabaqta kóp nárseni túsindik. Sabaq basynan bastap qyzyqqa toly bolyp ótti. Sabaqtyń basyn biz "Kóńil-kúı" trenıńimen bastap, bir-birimizge sáttilik tiledik. Sabaqqa úsh top bolyp qatystyq. Birinshi top - bir-birimen qol alysyp, ekinshi top- ózge tilde al, úshinshi top ym-ıshara túrinde amandastyq. Al, úı tapsyrmasyn suraý kezinde muǵalimimiz Ryskúl Anasratdınovna bizge bul sabaqta Qupıaǵa toly zat" kelgenin aıtty. Eger úıge berilgen tapsyrma men ekranda kórsetilgen suraqtarǵa durys jaýap bersek, qupıa zattyń ne ekenin biletinimzdi aıtty. Biz qupıa zatty tezirek bilgimiz kelip, berilgen suraqtarǵa tez ári durys jaýap berdik. Qupıaǵa toly zattymyz da ashyldy, jyltyraq qoraptyń ishinen sút, irimshik jáne qurt ónimderi shyqty. Búgingi sabaǵymyzdyń taqyryby "Tórt túliktiń paıdasy" ekenin bildik. Ia, bul qoraptan shyqqan zattar sol tórt túlikten alynatyn ónimder edi. Jańa sabaqqa qatysty biz qoraptan shyqqan ónimdermen Sút, irimshik, qurt toby bolyp, úsh topqa bólindik. 10 Oqýlyqtaǵy bizge tanys emes jańa sózdermen tanysyp aldyq. Sol jańa sózdermen sóz tirkesterin quradyq. Mysaly:Jyly kórpe, momyn qoı, qalyń kıiz, aq sút, tátti irimshik,t.b. Bul sózderdi dápterimizge jazyp bolǵan soń sút toby 9 sózderdi al, irimshiktoby jańa sabaqqa qatysty 10 sózderdi "Jańa sózder bankisine" al, qurt toby sabaqqa qatysy joq sózderdi 8 sózderdi tez terip saldyq. Mysaly:maı, aıran, et, qymyz, shubat, jún, shujyq, irimshik,sút,súzbe, t.b. Bizge sýretter berildi, sol sýretter boıynsha úsh top kemi 20 sózdi tez jazyp shyǵýymyz kerek edi.Úsh top taǵy da jyldamdyq jasap, Sút toby 21 sóz, irimshik toby 22 sóz, qurt toby 14 sóz jazyp shyqtyq. Ár tapsyrmadan keıin topbasshymyz bizdi berilgen upaılarmen baǵalaý paraǵyna baǵalap otyrdy. Al, sergitý sátinde "Qoshaqanym qaıda eken?" ánin bárimiz birge oryndadyq. Sabaqtyń kelesi kezeńinde úsh topqa úsh túrli tapsyrma berildi. Sút tobyna tórt túlikke qatysty óleń shyǵarýǵa, İrimshik tobyna tórt túlik ónimderin jarnamalaýǵa, Qurt tobyna búgingi sabaq boıynsha maqala jazýǵa tapsyrma berildi. Biz top bolyp, qyzý kirisip kettik. Toptyq tapsyrmalardyń bári qyzyq, birigip, uıymdasyp jumys jasadyq. Bul sabaqta biz kóptegen jańa aqparattar jınadyq. Biz tek sıyrdyń sútin iship úırengenbiz, biraq qoıdyń sútin de ishiýge bolatynyn, bilmeıtin edik. Qoıdyń súti sıyrdyń sútine qaraǵanda 1,5 ese maıly ekenin jáne óte paıdaly ekenin uǵyndyq. Eshkiniń súti de óte paıdaly eken, erterekte anasyz qalǵan sábıdi eshkiniń sútimen asyraǵan deıdi. Sonymen eshkiniń súti ana sútimen para-par eken. Jylqynyń qymyzynda 28 túrli dárýmen bar, túrli aýyrýlarǵa emdik qasıeti bar ekenin bildik. Osylaısha jańa tehnologıamen ótkizilgen sabaq qyzyqqa toly boldy. Úsh top ta ózderine berilgen tapsyrmany alyp shyqty. Men Izbasar Ulmıra Qurt tobynan osy maqalany jazyp otyrmyn. Al, Sút tobynyń múshesi Ábdáshim Gúlsaıanyń tórt túlikke qatysty óleńin oqyp kórińizder. Túıege "Oısylqara" atamyz, Baqqan eken danamyz. Túıeni biz qurmettep, Shubatyn da alamyz. Qoı Momyn ǵoı ol janýar, Aıasa eken adamdar. Qurty da baldaı táp-tátti, Qaıda ádemi janýar. Jylqy11 Qambar ata jylqynyń, Óti joqtaı shabady. Shaýyp-shaýyp alǵan soń, Bir dem alyp qalady. Sıyr Zeńgi baba sıyry, Sútinen mol beredi. Sútti de mol beredi. Qaımaǵy men irimshigi. Al, İrimshik tobynan Saparova Janel tórt túliktiń ónimderin sútti, irimshikti, qurtty jarnamalady. Sabaqtyń sońǵy bóliminde biz tyńdalym daǵdysy boıynsha mátinmen jumys jasap, mátin boıynsha test suraqtaryna jaýap berdik. Sabaqtyń sońynda sabaqty qalaı túsingenimzdi "Eki alma" ádisimen almalardy alma aǵashyna ilý arqyly aıaqtadyq. Jasyl alma - men búgin bárin jaqsy oryndadym, kóńil-kúıim kóterińki. Qyzyl alma - men tapsyrmany oryndaı almadym, kóńil-kúıim joq degendi bildiredi. Tek bir oqýshy qyzyl almany ildi, qalǵandarymyz jasyl alma ildirdik. Sebebi, bizdiń kóńil-kúıimiz kóterińki, tapsyrmalardy óte jaqsy oryndap shyqtyq. Úsh toptyń topbasshysy alǵan upaılarymyzdy sanap shyǵyp, toptyń baǵasyn, ár oqýshynyń baǵasyn eseptep shyǵardy. Ár tapsyrmaǵa bir upaıdan berildi, eń joǵary upaı jınaǵan top Sút toby boldy. Osylaı Sút toby jeńiske jetti. Joǵary upaı jınaǵan oqýshylarǵa muǵalimimiz "5" jáne "4" degen baǵalar qoıdy. Bizdiń ár sabaǵymyz osyndaı jańa ádistermen qyzyqty bolyp ótkiziledi. Izbasar Ulmıra 5»B» synyp oqýshysy

---