InfoHub Logo

Bilim berý salasy: «Tanym»
Uıymdastyrylǵan oqý qyzmeti: Qurastyrý
Taqyryp: Tostaǵan (qıylǵan bólikterden qurastyrý)
Maqsaty: Balalardy qaǵazben jumys jasaýǵa úıretý, olardyń pishinin, kólemin ajyrata alýǵa daǵdylandyrý.
Sózdik jumys: Tostaǵan.
Ádis tásilder: Túsindirý, kórsetý, áńgimelesý, suraq - jaýaptar, ǵajaıyp sát, dıdaktıkalyq oıyn, slaıd.
Kórnekilikter: Tostaǵan, tostaǵannyń sýretteri, qorapshalar, synǵan tostaǵan
Bılıngvaldy komponent: Tostaǵan - derevánnye chashı

Balalardy izdenýshilikke qyzyqtyrý
Shattyq sheńberi
Qaıyrly tań - kók aspan,
Qaıyrly tań - jer ana
Qaıyrly tań - dostarym
Jylýyma jylý qos
Mine meniń qolym bos.

Áńgimelesý:
Úlken kishi tostaǵannyń sýretin kórsetip túsin, pishinin, qaı tostaǵannyń úlken, qaısysy kishi ekenin suraý.
- Balalar meniń qolymdaǵy ydys qalaı atalady?
- Durys aıtasyńdar, bul tostaǵan eken. Tostaǵandy aǵashtan oıyp jasaıdy. Qarańdarshy, qandaı ádemi!
- Tostaǵannyń túsi qandaı?
Tostaǵan sút, kóje quıyp ishýge yńǵaıly ydys eken.

Venn dıagramsy:
«Tostaǵan» men «Kese» salystyrý.

Ǵajaıyp sát:
Tárbıeshi: Balalar bizge qonaqqa atamyz ben ájemizdiń nemere qyzy qonaqqa kelipti.
Balalar nemere qyzben amandasaıyq.
– Sálemetsiń be nemere qyz, qosh keldiń
Balalar nemere qyzdyń kóńil kúıi joq eken? Qolyndaǵy ne eken?
Nemere qyz: - Sálemetsińder me balalar, meniń qolymdaǵy tostaǵan, men ony senderge alyp kele jatyp, syndyryp aldym. Sol sebepti meniń kóńil kúıim joq.
Tárbıeshi: - Balalar biz nemere qyzǵa kómektesemiz be?

Bılıngvaldy komponent: tostaǵan - derevánnye chashı
Sózdik jumysy: tostaǵan, qonaq

Qurastyrý: Qıylǵan sýretterdi qalaı qurastyrýǵa bolatynyn kórsetedi.
2 bólikke qıylǵan sýretter.

Sergitý sáti: Balalar bizder nemere qyzǵa synǵan tostaǵanyn qurastyrýǵa kómektestik, sharshaǵan shyǵarsyńdar, al endi bizdiń súıikti múltfılmimiz Aııa men Álıdiń qoshaqanym ánine bılep sergip alaıyq.

Dıdaktıkalyq oıyn: «Úlken jáne kishi tostaǵandar»
Balalardyń aldyna úlken jáne kishi tostaǵannyń sýreti beriledi. Balalar úlken tostaǵan beınelengen sýretti úlken qorapqa, kishkentaı tostaǵan beınelengen sýretti kishkentaı qorapshaǵa salýy kerek.
- Jaraısyńdar balalar, sender óte jaqsy qatystyńdar, senderdi juldyzsha arqyly baǵalaǵym kelip tur.
Nemere qyz: - Balalar senderge kóp rahmet. Maǵan synyp qalǵan tostaǵanymdy qurastyryp berdińder, sender óte aqyldy balalar ekensińder. Al endi meniń atam men ájeme ketetin ýaqytym boldy, men senderge ájemniń berip jibergen kámpıtin bereıin, saý bolyńdar.
Tárbıeshi: nemere qyz saǵan kóp - kóp rahmet. Saý bol.

Tostaǵan. júkteý