Toıǵa arnalǵan tilekter
Avtory:
Ǵabıden QOJAHMET, Qyzylorda qalasy
Toıǵa arnalǵan tilekter
Uzatty búgin jar ǵyp botalaryn
Otbasy - adaldyq pen alǵys baǵy,
Qos júrektiń súıýi, jan qushtary.
Balapandaı kórýshi ek seni ómirde,
Uıadan tursyń ba endi sen de ushqaly.
Degen - di bári seni erkelesin,
Solardyń kóz aldynda sen kelesiń.
Saǵan da usyndy ma myna ómir
Kıeli kelin bolý mártebesin.
Gúli ediń aıalaǵan ata - ananyń,
Uzatty búgin jar ǵyp botalaryn.
Tálimin kórip sen de óz jurtyńnyń,
Belgili jaqsy kelin atanaryń.
Artyńda qalyp barady bala meken,
Uzatpaı qyz baqytyn taba ma eken.
Barasyń uzatylyp, qyzǵa ómirde,
Ózge jol budan bóten bola ma eken.
Jar bolar baqyt jolyn tanyǵasyn,
Ómirdiń zańyna osy baǵynasyń.
Sen tikken aq otaýdyń túńliginen,
Árdaıym baq sáýlesi jamyrasyn!
Júzińde sol baq sáýle kúlip tursyn!
Jar kóńil jar kóńilin uǵyp tursyn!
Aq otaý saǵan baqyt syılap ár kez,
Máńgilik qos júrekti biriktirsin!
Kózińnen shattyq bolyp kún ketpesin!
Júrekte qýanysh bop gúl kóktesin!
Baqyt bop án tógilsin lebizińnen,
Kókeıden sony jyrlar jyr ketpesin!
Artyńda qalyp barady balǵyn meken,
Baq dańǵyl kútsin seni aldyńda keń!
Barasyń uzatylyp, qyzǵa ómirde
Bolýy múmkin de emes joldyń bóten.
Uzaıdy qyz ómirdiń baǵyn uǵyp,
Jar bolar óz jarynyń janyn uǵyp.
Syıly bol shańyraǵyńa barǵan jerde,
Aldyńnan jansyn baqtyń shamy kúlip!
Kelgen soń eki jaq bir kelisimge,
Keńeıer qyz arqyly órisiń de.
Baqytty bolsynshy dep seni ómirde,
Tolqyp tur bar jaqynyń sen úshin de!..
Dástúriniń jolymenen ul da búgin úılendi
Ulastyryp bir shattyqqa kúnderi men túnderin,
İlestirip qýanyshqa dýman súıer dúrmegin.
Babalary shejireli tekten tarap órbigen
Bir áýletke túsip jatyr taǵy, mine, bir kelin.
Toı - dýmannyń jaryq boldy taǵy da endi juldyzy,
Bir áýlettiń bóliskeli jınaldy ony ul - qyzy.
Túsip jatyr kelin bolyp, ol da jaqsy atanyń
Urpaǵynan taraıtuǵyn tálim kórgen bir qyzy.
Bul áýlet te toı sánimen dál osylaı kúıge endi,
Dástúriniń jolymenen ul da búgin úılendi.
Jaqyndary tilektes bop shattandy da, qýandy,
Anasy da, mine, ómirde ene boldy syıly endi.
Kýá boldy osy toıǵa ul menen qyz qaraǵan,
Toı sáni bop kókte shalqyp, qalyqtap bir barady án.
Búgin, mine, qosylyp otyr jubaı bolyp eki jas,
Júrekteri shyn sezimmen birin - biri qalaǵan.
Endi olardyń birge ómiri, ánge toly bir keshi,
Endi olardyń ortaq alar ómirdegi júldesi.
Jas otaýdyń sondyqtan da shańyraǵy asqaq bop,
Deıdi aǵaıyn: aq otaýdyń berik bolsyn irgesi!
Atanyń da, ájeniń de osy bolar quptary,
Solardan ǵoı jubaılardyń bata - tilek uqqany.
Sol batamen aq otaýǵa baqyt qusy qonaqtap,
Ekeýiniń máńgi ómirde jazylmasyn juptary!
Mahabbattyń appaq qusy kóringen soń aıdynnan,
Shattyq kúnniń dastarqanyn tilekshi ǵyp jaıdyrǵan.
Bir áýlettiń kúlli adamyn qýanyshqa bólegen
Jalǵastyǵyn taba bersin dál osyndaı toı - dýman!
Ǵabıden QOJAHMET, Qyzylorda qalasy
Toıǵa arnalǵan tilekter
Uzatty búgin jar ǵyp botalaryn
Otbasy - adaldyq pen alǵys baǵy,
Qos júrektiń súıýi, jan qushtary.
Balapandaı kórýshi ek seni ómirde,
Uıadan tursyń ba endi sen de ushqaly.
Degen - di bári seni erkelesin,
Solardyń kóz aldynda sen kelesiń.
Saǵan da usyndy ma myna ómir
Kıeli kelin bolý mártebesin.
Gúli ediń aıalaǵan ata - ananyń,
Uzatty búgin jar ǵyp botalaryn.
Tálimin kórip sen de óz jurtyńnyń,
Belgili jaqsy kelin atanaryń.
Artyńda qalyp barady bala meken,
Uzatpaı qyz baqytyn taba ma eken.
Barasyń uzatylyp, qyzǵa ómirde,
Ózge jol budan bóten bola ma eken.
Jar bolar baqyt jolyn tanyǵasyn,
Ómirdiń zańyna osy baǵynasyń.
Sen tikken aq otaýdyń túńliginen,
Árdaıym baq sáýlesi jamyrasyn!
Júzińde sol baq sáýle kúlip tursyn!
Jar kóńil jar kóńilin uǵyp tursyn!
Aq otaý saǵan baqyt syılap ár kez,
Máńgilik qos júrekti biriktirsin!
Kózińnen shattyq bolyp kún ketpesin!
Júrekte qýanysh bop gúl kóktesin!
Baqyt bop án tógilsin lebizińnen,
Kókeıden sony jyrlar jyr ketpesin!
Artyńda qalyp barady balǵyn meken,
Baq dańǵyl kútsin seni aldyńda keń!
Barasyń uzatylyp, qyzǵa ómirde
Bolýy múmkin de emes joldyń bóten.
Uzaıdy qyz ómirdiń baǵyn uǵyp,
Jar bolar óz jarynyń janyn uǵyp.
Syıly bol shańyraǵyńa barǵan jerde,
Aldyńnan jansyn baqtyń shamy kúlip!
Kelgen soń eki jaq bir kelisimge,
Keńeıer qyz arqyly órisiń de.
Baqytty bolsynshy dep seni ómirde,
Tolqyp tur bar jaqynyń sen úshin de!..
Dástúriniń jolymenen ul da búgin úılendi
Ulastyryp bir shattyqqa kúnderi men túnderin,
İlestirip qýanyshqa dýman súıer dúrmegin.
Babalary shejireli tekten tarap órbigen
Bir áýletke túsip jatyr taǵy, mine, bir kelin.
Toı - dýmannyń jaryq boldy taǵy da endi juldyzy,
Bir áýlettiń bóliskeli jınaldy ony ul - qyzy.
Túsip jatyr kelin bolyp, ol da jaqsy atanyń
Urpaǵynan taraıtuǵyn tálim kórgen bir qyzy.
Bul áýlet te toı sánimen dál osylaı kúıge endi,
Dástúriniń jolymenen ul da búgin úılendi.
Jaqyndary tilektes bop shattandy da, qýandy,
Anasy da, mine, ómirde ene boldy syıly endi.
Kýá boldy osy toıǵa ul menen qyz qaraǵan,
Toı sáni bop kókte shalqyp, qalyqtap bir barady án.
Búgin, mine, qosylyp otyr jubaı bolyp eki jas,
Júrekteri shyn sezimmen birin - biri qalaǵan.
Endi olardyń birge ómiri, ánge toly bir keshi,
Endi olardyń ortaq alar ómirdegi júldesi.
Jas otaýdyń sondyqtan da shańyraǵy asqaq bop,
Deıdi aǵaıyn: aq otaýdyń berik bolsyn irgesi!
Atanyń da, ájeniń de osy bolar quptary,
Solardan ǵoı jubaılardyń bata - tilek uqqany.
Sol batamen aq otaýǵa baqyt qusy qonaqtap,
Ekeýiniń máńgi ómirde jazylmasyn juptary!
Mahabbattyń appaq qusy kóringen soń aıdynnan,
Shattyq kúnniń dastarqanyn tilekshi ǵyp jaıdyrǵan.
Bir áýlettiń kúlli adamyn qýanyshqa bólegen
Jalǵastyǵyn taba bersin dál osyndaı toı - dýman!
You Might Also Like
