InfoHub Logo

Oral qalasy, Kaztalov aýdany,
Nurbalapan bóbekjaı balabaqsha tárbıeshisi
Aıap Gaýhar Dosbolatqyzy

Taqyryby: «Mysyq» (sirińke qoraptarynan)
Bilim berý salalary: Tanym
Bólimderi: Qurastyrý
Maqsaty: Balalarǵa sirińke qoraptarynan paıdalaný arqyly mysyqtyń beınesin jasaýǵa úıretý, jelimdeý, qaǵazdy qıyp japsyrý daǵdylaryn bekitý, uqypty jumys jasaý daǵdylaryn qalyptastyrý, úı janýarlaryna degen súıispenshilik sezimderin tárbıeleý.
Aldyn - ala júrgiziletin jumystar: sirińke qoraptarynan jasalynǵan taǵy basqa beıneler jasap kórsetedi.
Ádis - tásilder: kórsetý, túsindirý, suraq - jaýap, áńgimeleý.
Qajetti kórneki quraldar: sirińkeniń qoraby, túrli tústi qaǵaz, jelim, qaıshy.
Qostildik komponent/bılıngvalnyı/: Mysyq – kot – sat. Marǵaý - kotenok.

İs - áreket kezeńderi
Sebepti qyzyǵýshylyǵyn oıatý kezeńi

Tárbıeshiniń is - áreketi
Shattyq sheńberi:
Biz qandaımyz, qandaımyz?
Shuǵylaly tańdaımyz.
Kúlimdegen kúndeımiz,
Renjýdi bilmeımiz.
Qýanamyn men de,
Qýanasyń sen de,
Qýanaıyq dostarym
Araılap atqan kúnge.

Uıymdastyrý - shylyq izdenis kezeńi
- Balalar, men senderge jumbaq jasyramyn. Sol jumbaqtyń sheshimin tapsańdar, men senderge ertegi aıtyp beremin.
Jumbaq jasyrý.
Ózi jap - jas, murty bar,
Et pen sútke umtylar.
Tastamaıdy jyly úıde,
Túkti tony shup - shubar.
Ol ne?
Erte, erte, ertede... Alys, alys ólkede «Aqmamyq» degen mysyq ómir súripti, ol sondaı appaq, ádemi, súıkimdi bolypty, biraq onyń dostary bolmapty. «Aqmamyq» bir kúni tereze aldynda otyryp daladan tatý oınap júrgen ózi sıaqty mysyqtar tobyn kóredi de, «Aqmamyqta» ózine dos izdeıdi. Ózine dostar izdep kóp jerlerge barady, kishkentaı balalardan kómek suraıdy, sóıtip júrip, «Aqbota» degen balabaqshaǵa barady, biraq olar oǵan kómektese almady. Balalar, «Aqmamyq» endi senderden kómek surap búgin bizge kelipti:
- Balalar, «Aqmamyqqa» kómektesemiz be?