InfoHub Logo

AQSH prezıdenti Donald Tramp jýrnalıserge Iranmen jasalǵan ýaqytsha bitimniń merzimi aıaqtalsa, «jappaı bombalaý» bolatynyn aıtty. Bul sharanyń qashan jáne qaıda bolatynyn saıasatker naqtylamady.

Bul týraly Infohub.kz aqparat agenttigi habarlaıdy.

«Eger bitim erteń keshke deıin kúshin joısa ne bolady?» degen jýrnalıstiń suraǵyna Tramp: «Onda jappaı bombalaý bastalady», – dep qysqa jaýap berdi.

AQSH prezıdenti Amerıka Qurama Shtattarynyń Islamabadta kelissózder júrgizýdi josparlap otyrǵanyn naqtylady. Iran ókilderiniń qatysatyny-tuǵyny belgisiz. Alaıda, Tramptyń aıtýynsha, negizgi másele sol kúıinde qalady – Iranda ıadrolyq qarý bolmaýy kerek.

Truth Social jelisindegi málimdemesi

Sonymen qatar, Tramp óziniń Truth Social áleýmettik jelisinde Iranmen áskerı qaqtyǵys týraly pikirin bildirdi. Saıasatkerdiń aıtýynsha, soǵystyń bastalýyna 2023 jyldyń qazan aıyndaǵy oqıǵalar sebep bolǵan. Tramp basqa sebepterdi alǵa tartatyndardy «jalǵan jańalyqtar» dep atap, «tańǵalatynyn» jazdy.

«Izraıl meni eshqashan Iranmen soǵysqa ıtermegen joq – meni bul jaǵdaıǵa 7 qazan oqıǵalary ákeldi, sondaı-aq meniń burynnan kele jatqan ustanymym: Iranda eshqashan ıadrolyq qarý bolmaýy kerek», – delingen habarlamada.

AQSH prezıdentiniń pikirinshe, eger Irannyń jańa basshylary eldegi rejım aýysqan jaǵdaıda «aqyldy bolsa», olar úshin «uly jáne gúldengen bolashaq» bolýy múmkin.

Irannyń jaýaby

Buǵan deıin Iran Oman shyǵanaǵyndaǵy Islam Respýblıkasy týynyń astynda júzip bara jatqan júk kemesine AQSH-tyń shabýylyn bitimdi buzý dep atap, Tegerandaǵy bılik ókilderiniń málimdeýinshe, AQSH áskerı kemelerine drondarmen soqqy bergen.

Buǵan deıin AQSH prezıdenti Donald Tramp óziniń Truth Social jelisinde Amerıka áskerı-teńiz kúshteri Irannyń porttaryna Vashıngton ornatqan teńiz blokadasyn aınalyp ótýge tyrysqan Iran týynyń astyndaǵy júk kemesin basyp alǵanyn habarlaǵan bolatyn. Onyń aıtýynsha, ırandyq ekıpaj baǵynýdan bas tartqan, sodan keıin amerıkandyq zymyran esmınesi kemeni toqtatyp, mashına bólimine tesik jasaǵan. Qazirgi ýaqytta keme AQSH teńiz jaıaý áskeriniń baqylaýynda.