InfoHub Logo

AQSH prezıdenti Donald Tramp Iranǵa qatysty taǵy da joıylý qaýpin tóndirdi. Bul týraly ol óziniń Truth Social áleýmettik jelisindegi paraqshasynda jazdy.

Bul joly AQSH basshysy «búgin túnde tutas bir órkenıet joıylady, ony eshqashan qalpyna keltirý múmkin bolmaıdy» degen mazmundaǵy habarlama jarıalady. Tramp bul jaǵdaıdyń bolǵanyn qalamaıtynyn, biraq solaı bolatynyna senetinin aıtty. Alaıda, rejımniń tolyq aýysyp, ornyna aqyldyraq, radıkal emes adamdar kelgennen keıin, revolúsıalyq ózgerister bolýy múmkin ekenin de joqqa shyǵarmady. Ol Irandaǵy 47 jyldyq jemqorlyq pen zorlyq-zombylyqtyń aıaqtalatynyn atap ótip, Iran halqyna sáttilik tiledi.

Buǵan deıin Tegeran Vashıngtonnyń Iran men Izraıl arasyndaǵy soǵysta otty toqtatý týraly usynysyn qabyldamaǵan bolatyn. Bul týraly Irannyń Pákistan arqyly jetkizgen qujatynda aıtylǵan.

Buǵan qosa, AQSH prezıdentiniń Iranǵa qatysty taǵy da qaýipti málimdemelerinen keıin Iran dıplomatıalyq baılanystaryn toqtatqany habarlandy. Iran Islam revolúsıasy sarbazdar korpýsynyń aeroǵarysh kúshteriniń qolbasshysy soǵystyń jańa kezeńi bastalǵanyn, Fateh jáne Kheibar-Shekan zymyrandaryn ushyrý qondyrǵylary iske qosylǵanyn málimdedi.

Esterińizge sala keteıik, naýryz aıynda AQSH prezıdenti Donald Tramp Iranǵa «óte kúshti» soqqy berý týraly qaýip tóndirgen bolatyn. Osydan keıin AQSH armıasynyń Ortalyq qolbasshylyǵy ıadrolyq oqtumsyqtardy tasymaldaı alatyn B-52 bombalaýshy ushaǵynyń vıdeosyn jarıalady.