InfoHub Logo

Bir dosym: «Osy men adamdardy túsinbeımin: ár jyly týǵan kúnin toılaıdy, sonda olar bir jylǵa qartaıǵanyna qýanady ma?» dep edi.

Búgingi týǵan kún ıesine qarap otyryp, sol dosymnyń jańsaq pikir aıtqanyna taǵy da kózim jetip otyr.

Ár jyly týǵan kúnin toılaýǵa jetken adam – baqytty. Adam ár jańa jylǵa jetkenine qalaı qýansa, týǵan kúninde de solaı qýanýy kerek.

Ár jastyń ózine tán baqyty, qýanyshy, ıgiligi, erekshe syıy bolady. Sondaı ıgilikterge aman – esen jetkenine nege qýanbasqa!

Qarapaıym ǵana mysal: biz bala kúnimizde týǵan kúnimizdi dostarymyzben, synyptastarymyzben birge toılap ótkizsek, eseıe kele qýanyshqa ortaqtasatyn qadirli jandarymyzdyń qatary molaıa tústi.

Mine, búgingi týǵan kún keshinde qonaqtardyń arasynda jańa tanystar, jańa týystar paıda bolǵanynyń kýási bolyp otyrmyz. Bul degenimiz – týǵan kún ıesiniń ómirinde byltyrǵy týǵan kúninen beri qaraı birshama jańalyqtar bolǵanyn, aralasatyn ortasy keńeıgenin, tileýles jandardyń qatary artqanyn baıqaımyz. Mundaıdyń ózi bir ǵanıbet emes pe!

*** *** *** ***

Ómirdiń ár qyrynan izder araı,
Baqyt qusy samǵasyn sizge qaraı.
Otyz jeti asýynan erkin asyp,
Sátti qadam basyńyz júzge qaraı!
Qamal alǵan qutty bolsyn jasyńyz
Órleı bersin, órge qaraı tasyńyz.
Mereke kúni, nurǵa tolsyn júzińiz,
Qýanyńyz, shattanyńyz, kúlińiz.

*** *** *** ***

Týǵan kún mereıli isterdiń bastaý kúni bola bersin, baqyt pen bereke ákelsin, eńbekte tabys pen abyroı tileımiz!

*** *** *** ***

Ómirde úsh baqyt qusy bar: Kógershin, Qarlyǵash, Aqqý.
Kógershinniń meıirimdiligin,
Qarlyǵashtyń qaıyrymdylyǵyn,
Aqqýdyń aq mahabbatyn tileımin.

*** *** *** ***

Ózenniń aǵysyndaı, tulpardyń shabysyndaı, tolqynnyń jarysyndaı ótip jatqan ár jylyńyz jaqsylyqqa tolsyn.

*** *** *** ***

Shattyqqa toly kúnder,
Dýmanǵa toly keshter,
Ystyq qushaqqa toly túnder tileımin.

*** *** *** ***

Ómir – teńiz, júze bil, mahabbat kelse kúte bil.
Ómir – asqar asýlar, tek súrinbeı óte bil.

*** *** *** ***

Baqyt saraıynyń bas qurylysshysy bol degen tilekpen quttyqtaý qarlyǵashyn joldaımyn.

*** *** *** ***

Qajymas qaırat,
Talmas talap,
Muqalmas jiger,
Qaıtpas qajyr tileımin.

*** *** *** ***

Taý sýyndaı taýsylmas qaırat,
Syr sýyndaı sarqylmas jiger,
Gúldeı jaıqalǵan ǵumyr,
Gúldeı terbelgen ómir tileımin.

*** *** *** ***

Qasqyrdyń qaıratyn,
Arystannyń aıbatyn,
Jylqynyń saqtyǵyn,
Búrkittiń qyraǵylyǵyn tileımin.

*** *** *** ***

Qutty bolsyn týǵan kún,
Kindigińdi kesip ap,
Jibek jippen býǵan kún.
Shildehana sýymen
Alǵash ret jýǵan kún.
Orap alyp jórgekke,
Aq sútin asyl ananyń,
Emirene emgen kún.
Ákeń kelip tóbeńnen
Tebirene tóngen kún.
Qýanǵannan el-jurtyń
Kórimdigin bergen kún.
«Kimge tartty eken?» dep
Betińdi ashyp bergen kún.
Týǵan kúniń jyl saıyn
Júz jyl boıy toılansyn.
Ósip úrim-butaǵyń,
Armanyńa jete ber,
Ómir sheksiz kók teńiz,
Toqtamastan keshe ber.

*** *** *** ***

Kóńiliń aq bolsyn. Basyńa qongan baq bolsyn. Otyrǵan ornyń taq bolsyn. Dostaryń saǵan jaq bolsyn. Dushpandaryń joq bolsyn. Joldastaryń kóp bolsyn. Ata-anańnyń aıaýlysy, dostaryńnyń qalaýlysy, súıgenińniń súıiktisi bol. Árqashan ashyq jarqyn, keshirimdi bol. Ezýińnen kúlki ketpesin. Densaýlyǵyń myqty bolsyn. Baı qýatty bol.

*** *** *** ***