InfoHub Logo

Bir túlki qalyń aǵashty aralap kele jatyp, aǵashtyń basynda otyrǵan qyrǵaýyldy kóredi de jaqyndap kelip:

         — Sálemetsiz be, qyrǵaýylym, haliń qalaı? – deıdi.

         Qyrǵaýyl:

         — Jaqsy, óziń qalaı turasyń? – deıdi.

         Túlki:

         — Jerge túsip, sóılesseńiz qaıtedi, bir qulaǵym estimeýshi edi? – deıdi.

         Qyrǵaýyl:

         — Jerge túsýge qorqamyn, jerde ár túrli ańdar bar, bizdi jep qoıýy múmkin, – deıdi.

         Túlki:

         — Áı, dostym, qazir zaman burynǵy zaman emes, jańa ǵana keldim, buıryq shyǵypty, bireýge bireý zorlyq qylmasqa, qoı men qasqyr birge júrsin, túlki men taýyq birge júrsin degen, – deıdi.

         Qyrǵaýyl:

         — Jaqsy habaryńyz bar eken, raqmet, dostym! Myna jaqtan bir ıtter kele jatyr, olarǵa da habaryńyzdy aıtyńyz, esitsin, – deıdi. It degen sózdi estigen soń, túlki aldy-artyna qaramastan qasha jóneledi.

         Qyrǵaýyl:

         — Qaıda barasyń, túlkim, buıryqty umytyp kettiń be? – deıdi.

         Túlki:

         — Kim biledi, buıryqty ol estimegen shyǵar, – deıdi mińgirlep.

---