InfoHub Logo

Ańdar patshasy arystan qartaıyp, naýqasqa shaldyǵady da úńgirinen shyǵa almaı jatady. Patshasynyń kóńilin suraǵan barsha ań kelip-ketip, kirip-shyǵyp júredi. Túlki ǵana mezgilinde kele almapty,

         Muny estigen soń, qasqyr bir qýlyǵyn asyryp, ózin aldap júrgen túlkiden kek alǵysy kelip, naýqas arystanǵa ony jamandaı bastapty:

         — Túlki seni patsham dep qurmettemeıdi eken. Patshasynyń kóńilin suramaǵany ońbaǵandyq! – dep, arystannyń yzasyn qozdyryp, ashýyna maı quıypty.

         Sol kezde úńgirdiń aýzyna kelip qalǵan túlki qasqyrdyń bul sózin estip: «Tura tur, bálem, óshimdi alarmyn!» — dep kijinip, tisin qaıraıdy.

         Sonan soń eshteńe bilmegendeı, jylmańdaı kirip keledi. Túlkini kózi shalǵan arystan qahar tógip, aıqaı salypty.

         — Sen meniń kóńilimdi suramaı, qaıda júrsiń?

         Sonda túlki:

         — Sabyr, taqsyr, sabyr, – depti jalbarynyp.

         — Sózimdi tyńdańyz! Meniń osynshama keshigýimniń sebebi bar edi.

         — Ol ne qylǵan sebep?

         — Shuǵyl sharýamen dala kezip júrdim. Ol ne sharýa deseńiz, jer dúnıeni kezdim, dertińizge daýa bolatyn dári izdedim. Barlyq dárigerlerden surastyrdym. Aqyry taýyp kelip otyrmyn.

         Muny estigen arystan:

         — Ol qandaı dári? – dep surapty qýanyp.

         — Dertińizdiń emi mynaý eken, – depti túlki, – qasqyrdyń terisin tirideı sypyryp alyp, jyly kúıinde ústińizge jabystyryp kıip alsańyz, jazylady ekensiz.

         Muny estı sala arystan atyp turyp, qasqyrdy bas salyp, terisin sydyryp, ústine kıip alypty.

---