InfoHub Logo

XXXII Qysqy Ýnıversıadada Týrınde qazaqstandyq erler hokeı quramasy alǵashqy kezdesýin Shvesıaǵa qarsy ótkizip, senimdi jeńiske jetti. Oıyn 9:2 esebimen aıaqtaldy.

Oıyn barysy

Qazaqstan hokeı federasıasynyń málimetinshe, alǵashqy kezeńde shvedter esep ashyp, eki shaıba salǵan. Degenmen, qazaqstandyqtar alǵashqy 20 mınýttyń ishinde esepti teńestire aldy.

Ekinshi kezeńde Qazaqstan quramasy eki gol basymdyqpen alǵa shyqty. Nıkolaı Shýlga shaıba salyp, artynsha Danııl Sybın dúbl jasady.

Úshinshi kezeńde qazaqstandyqtar qarsylas komandaǵa múlde múmkindik bermeı, sheshýshi goldar soqty. Maksım Mýsorov, Adıl Beısembaev, Denıs Chaporov jáne Andreı Býıalskıı sheberlikterin kórsetti.

Aldaǵy machtar

14 qańtarda qazaqstandyq hokeıshiler Ońtústik Koreıa quramasymen kezdesedi.

Erler quramasy «A» tobynda Koreıa, Kanada jáne Chehıa komandalarymen oınaıdy:

• 14 qańtar, 20:30 — Qazaqstan vs Koreıa;
• 16 qańtar, 00:00 — Kanada vs Qazaqstan;
• 17 qańtar, 00:00 — Qazaqstan vs Chehıa.

Áıelder quramasy «V» tobynda Japonıaǵa qarsy alǵashqy machta 10:0 esebimen jeńiliske ushyrady. Endi olar AQSH jáne Chehıa komandalarymen baq synasady:

• 14 qańtar, 20:30 — Chehıa vs Qazaqstan;
• 16 qańtar, 20:30 — Qazaqstan vs AQSH.

Hokeı týrnıri

Hokeı oıyndary 11-22 qańtar aralyǵynda Týrın mańyndaǵy eki alańda ótýde.