InfoHub Logo

Túrkıanyń tanymal kýrorttaryna baratyn demalýshylar endi jaǵajaıda temeki shegý erejelerin eskerýi kerek. Antalá qalasynda 5 maýsymnan bastap jaǵajaılarda temeki shegýge tolyq tyıym salyndy. Bul týraly Infohub.kz aqparat agenttigi habarlaıdy.

Tyıym salynǵan aımaqtar

Jańa erejeler alǵashqyda Lara, Belek, Chamúva jáne Bıch Park sıaqty tórt tanymal jaǵajaıǵa qatysty bolady. Bul aımaqtar Qazirgi tańda Túrkıanyń Mádenıet jáne týrızm mınıstrliginiń basqarýyndaǵy jaǵajaılar bolyp sanalady. Alaıda, bılik "tútinsiz aımaqtardy" bolashaqta keńeıtýdi josparlap otyr.

Shekteýlerdiń sebebi

Bul sheshim Aqdenız ýnıversıtetiniń zertteýlerinen keıin qabyldandy. Zertteý nátıjesinde teńiz túbinen temekiniń qaldyqtarynyń tym kóp mólsherde tabylǵany anyqtaldy. Joba úılestirýshisi Ebrý Shahınnyń aıtýynsha, temeki qaldyqtary teńiz ekojúıesine zıan keltiredi.

"Teńiz túbindegi sýretterde bastapqyda teńiz organızmderi nemese gýbkalar dep oılaǵan zattar tabylǵan, biraq olar temekiniń qaldyqtary bolyp shyqty", - dedi Shahın.

Bul shara teńiz florasy men faýnasyn qorǵaýǵa baǵyttalǵan. Sondaı-aq, jaǵajaılardy balalarmen demalatyndar úshin taza ári jaıly etý kózdelgen.

Bolashaq josparlar

Bul jańalyq Antalányń ekologıalyq strategıasynyń bir bóligi bolyp tabylady. Qalada tegin aýyz sý stansıalary ornatylyp, qaıta óńdeýge arnalǵan konteınerlerdiń jelisi keńeıtilýde. Bul sharalar bir rettik plasıkti qoldanýdy azaıtýǵa kómektesedi.

Túrkıanyń Densaýlyq saqtaý mınıstrligi de bul bastamany qoldaıdy. Elde temeki shegýge tyıym salynǵan qoǵamdyq oryndardy keńeıtý týraly zań jobasy ázirlenýde. Túrik BAQ-tarynyń habarlaýynsha, bul qujat sońǵy kelisý satysynda.

Túrkıanyń ambısıalyq maqsaty – 2040 jylǵa deıin el aýmaǵynda temeki ónimderin satýdy tolyǵymen toqtatý.