InfoHub Logo

Túrkistan oblysy polısıa basshysyn synaǵan bloger Rústem Ashetaev ustalǵany jaıly aqparat tarady,-dep habarlaıdy Infohab.kz.

Áleýmettik jelide Túrkistan oblystyq polısıa departamentiniń bastyǵy Murat Qabdenovti synaǵan jazbalar jarıalaǵan jergilikti bloger Rústem Ashetaevtyń bopsalaý kúdigimen ustalǵany jóninde aqparat tarady. Alaıda bul derekti resmı oryndar ázirge rastaǵan joq.

Bloger sońǵy jazbalarynda Qabdenovtiń qabyldaýyna birneshe ret kire almaǵanyn, onyń ornyna orynbasarynan tek «ýáde» estip qaıtqanyn aıtqan. Sondaı-aq Arys aýdanynda sheteldik jumysshylarǵa qatysty reıd kezinde polısıanyń áreketsizdigin synap, ustalǵan 43 sheteldiktiń birazynyń qaıtadan «joǵalyp ketkenin» málimdegen. Bul jaǵdaıdy ol «soraqylyq» dep baǵalaǵan.

Ashetaev polısıada zańsyzdyqtar bar dep sanaıtynyn ashyq jazyp, generaldyń otstavkaǵa ketýin talap etý múmkindigin de kótergen. Qazirgi ýaqytta onyń ustalǵany týraly málimetke baılanysty resmı túsinikteme berilgen joq.