Túrkistan oblysynyń turǵyndary brakonerlik úshin sottaldy
Túrkistan oblysynyń turǵyndary brakonerlik úshin sottaldy,dep habarlaıdy Infohub.kz.
Túrkistan oblysynyń tórt turǵyny Ulytaý oblysyna jylqylaryn izdeýge barý kezinde ańshy myltyqtarymen zańsyz ań aýlap, qylmystyq áreketke baryp, 15 kıikti óltirip, olardyń múıizderin alyp, satýdy josparlaǵan. Brakonerler motosıklmen jolǵa shyǵyp, olar taba almaı qalǵan jylqylardyń ornyna sırek kezdesetin jáne joıylyp ketý qaýpi tóngen kıikterdi atyp alǵan. Sodan keıin olar óltirilgen kıikterdiń etin kólikke tıep alyp, múıizderin satý maqsatynda jınaǵan.
Jedel izdestirý sharalary barysynda «Ohotzooprom» qyzmetkerleri brakonerlerdi ustady. Bul qylmys memleketke 143 mıllıon teńgeden astam shyǵyn keltirdi. Sot tergeýi barysynda sottalýshylar ózderiniń kinálaryn tolyq moıyndap, keltirilgen zıandy tolyq ótegen.
Qarajal qalalyq soty qylmystyq isti qaraý kezinde sottalýshylardy zańsyz ań aýlaý jáne kıikterdi zańsyz joıý boıynsha kináli dep tanydy. Olar QR QK-niń 337-babynyń 4-bóligi, 339-babynyń 2-bóligi, 2, 5 tarmaqtary boıynsha jaýapqa tartyldy. Árqaısysy 3 jyl 6 aıǵa bas bostandyǵynan aıyrylyp, 5 jyl merzimge ańshylyqpen aınalysýǵa tyıym salyndy.
You Might Also Like
-
Aıtysker aqyn Balǵynbek Imashevtyń uly, «Qazaq Travel» kompanıasynyń atqarýshy dırektory Danıar Imashevqa qatysty alaıaqtyq deregi boıynsha qylmystyq is qozǵaldy. Bul týraly Infohub.kz jazady.
-
Shymkent qalasyndaǵy “Jastar resýrstyq ortalyǵynyń” ishki tártibi qoǵam nazaryn aýdartýda. Qyzmetkerlerdiń aıtýynsha, mekeme basshylyǵy áleýmettik jelidegi belsendilikti qatań baqylaýǵa alyp, ortalyqty...
