Túrmedegi Dýman Muhammedkárimniń jaǵdaıy kúrt nasharlady – advokat
Qamaýda otyrǵanyna bir jylǵa jýyqtaǵan jýrnalıs ári belsendi Dýman Muhammedkárimniń densaýlyǵy kúrt nasharlaǵany belgili boldy. Bul týraly onyń advokaty Ǵalym Nurpeıisov málimdedi.
Advokattyń aıtýynsha, Dýman sońǵy ret 19 sáýirde túrme kıimin kımegeni úshin Qyzylordadaǵy №60 mekemede tártiptik ızolátorǵa (karserge) 4 aıǵa qamalǵan. Qazir onyń densaýlyǵy emdelmeı qalatyndaı jaǵdaıda.
– Jambasynda et qalmaǵan. Ýkol salýǵa múmkindik joq. Dári ishe almaıdy. Ózi «shal boldym, otyrsam tura almaımyn, tursam otyra almaımyn» deıdi. Túrme ákimshiligi 30 maýsymda aýrýhanaǵa aparamyz dep ýáde berdi, – deıdi advokat Ǵalym Nurpeıisov.
Jýrnalıstiń anasy da balasynyń taǵdyryna alańdaýly ekenin aıtyp, "karserde ulymnyń qý jany qaldy ma, bilmeımin" dep málimdedi.
Eske salaıyq, Dýman Muhammedkárim 2023 jyly qamaýǵa alynyp, keıin Qyzylordadaǵy qatań rejımdegi mekemege aýystyrylǵan bolatyn. Quqyq qorǵaýshylar onyń isin saıası qýdalaý dep baǵalap otyr.
Infohab aldaǵy ýaqytta bul máseleni nazarda ustaıdy.
You Might Also Like
-
Batys Qazaqstan oblysy, Terekti aýdany – Alaıaqtar bir otbasynyń senimine kirip, olardy bir aı boıy aldap, nátıjesinde 20 mıllıon teńge kólemindegi qarajatynan aıyrǵan. Bul jaıly Qazaqstan telearnas...
-
Alaıaqtyq úshin 10 jylǵa sottalǵan eks-sýdá: istiń mán-jaıy belgili boldy,dep habarlaıdy Infohab.kz.
