InfoHub Logo

Qazaqstandaǵy ýaqyt beldeýin ózgertý máselesi birazdan beri qoǵamda qyzý talqylanyp keledi. Jýyrda úkimet bul másele boıynsha zertteý nátıjelerin jarıalap, ýaqyt beldeýin aýystyrý halyqtyń ómir súrý deńgeıine aıtarlyqtaı áser etpeıdi degen qorytyndyǵa keldi. Alaıda, bul zertteýdiń nátıjesi zertteý bastalmaı turyp aıtylǵan ýájdermen úndes shyqty. Demek, másele basynan-aq sheshilip qoıǵan joq pa?

Ǵylymı zertteý me, álde sheshimge dálel izdeý me?

Saýda jáne ıntegrasıa mınıstri Arman Shaqqalıevtiń aıtýynsha, zertteý barysynda medısına, neıroǵylym, bıofızıka, astrofızıka jáne basqa da salalardyń mamandary tartylyp, halyqtyń densaýlyǵyna, energıa tutynýyna, eńbek ónimdiligine jáne basqa da faktorlarǵa 40-tan astam kórsetkish boıynsha taldaý jasalǵan.

Zertteý nátıjesinde ýaqyt beldeýiniń ózgerýi halyqtyń ál-aýqatyna keri áser etpeıtini anyqtaldy. Sonymen qatar, keıbir óńirlerde jumys ýaqytyn ózgertý arqyly jaǵdaıdy retteýge bolatyny aıtyldy. Biraq máseleniń túp-tamyry ýaqyttyń saǵattyq kórsetkishinde ǵana emes, kúnniń tabıǵı jaryǵymen sáıkes kelýinde ekenin eskersek, bul sheshim qanshalyqty tıimdi?

Jergilikti bastamalar men úkimettiń ustanymy

Shyǵys Qazaqstan oblysynyń birneshe aýdanynda jumys ýaqyty 8:00-den 17:30-ǵa aýystyrylǵan. Mınıstr bul tájirıbeni qajet bolǵan jaǵdaıda basqa óńirlerde de qoldanýǵa bolatynyn aıtty. Iaǵnı, máseleni ýaqyt beldeýin aýystyrmaı-aq jumys kestesin ózgertý arqyly sheshýge bolatynyn meńzedi.

Biraq halyq arasynda ýaqyt beldeýiniń ózgerýin talap etkender máseleni dál osylaı sheshýdi surady ma? Jumys ýaqytyn aýystyrýdyń ornyna ýaqyt beldeýin birjola ózgertý tıimdi bolmas pa edi?

Zertteý nátıjesi kúmán týdyra ma?

Bul zertteýdiń nátıjesi ýaqyt beldeýin ózgertýge qarsy pikirlermen dál sáıkes kelýi onyń obektıvtiligine kúmán týdyrady. Eger zertteý aldynda-aq «ýaqyt beldeýin aýystyrý qajet emes» degen ustanym aıqyn bolsa, onda zertteý shynaıy ǵylymı taldaý ma, álde aldyn ala belgili sheshimge dálel izdeý ǵana ma?

Halyqtyń biraz bóligi ýaqyt beldeýi durys tańdalmaǵandyqtan, tańerteń kún kesh atyp, keshke tym erte batatynyn aıtady. Ásirese qys aılarynda bul másele aıqyn seziledi. Ǵalymdar men sarapshylardyń qatysýymen júrgizilgen zertteý osy máselege naqty jaýap berdi me? Álde, másele ýaqytsha túzetýler arqyly eleýsiz qaldy ma?

Qazaqstanda ýaqyt beldeýi máselesi ázirge jabyq taqyryp bolyp qala beretin sıaqty. Úkimet qabyldaǵan sheshimge qaraǵanda