InfoHub Logo

Ulttyq biryńǵaı testileýdińdiń eki kúni qorytyndysymen alty túlek rekordttyq 125 bal jınady, olardyń beseýi - Almaty mektepteriniń oqýshylary.

QR Bilim jáne ǵylym mınıstrliginiń málimetteri boıynsha, 2 jáne 3 maýsym kúnderi ótkizilgen testileýge 37157 bitirýshi qatysty, sonyń ishinde qazaq tilinde - 26995, orys tilinde - 10162 bitirýshi. 

«Testileýdiń eki kúninde múmkin bolǵan 125 baldy Almatynyń bes túlegi: Dınara Mátkalıeva («Sh.Ýálıhanov atyndaǵy №12 mamandandyrylǵan gımnazıa»),  Arýjan Meırhanova  (Y.Altynsarın atyndaǵy №159 gımnazıa»), Ramzıa Ospanova  («Y.Altynsarın atyndaǵy №159 gımnazıa»), Erkejan Muhametqalı  «(№175 gımnazıa «Jańa ǵasyr»), Qaldybek Mahambetov   "«№169 mektep-lıseı»)  jınady. Sondaı-aq «Qaratóbe mektep-gımnazıasynan» Aqnur Berkinova(Batys Qazaqstan oblysy) 125 balǵa ıe boldy. 

Testileý birinshi kúni 44 UBTÓP-tiń, al ekinshi kúni 60 UBTÓP-tiń  bazasynda ótkizildi.

Testileýdiń eki kúniniń nátıjesinde tyıym salynǵan zattardy qoldanǵan jáne aýdıtorıada tártip buzǵan úshin 10 bitirýshi testileýden shyǵaryldy, onyń ishinde:

- uıaly baılanys telefondary tárkilengen - 9 bitirýshi;

- emtıhan materıaldaryn búldirgen - 1 bitirýshi.

Kelesi kestede UBT-nyń testileý kúnderi boıynsha qysqasha nátıjeleri keltirilgen:

№	Lek kúni	Ótinish sany			UBT-ǵa qatysty			Ótý deńgeıinen óte almaǵandar			Bes pán boıynsha 100-den joǵary			Testileýdiń bir páni boıynsha qanaǵattanarlyqsyz baǵa alǵandar
		barlyǵy	qaaq	orys	barlyǵy	qaz	orys	barlyǵy	qaz	orys	barlyǵy	qaz	orys
1	02.06	18599	13349	5250	17933	13025	4908	2274	1615	659	3834	2811	1023	480
2	03.06	19802	14189	5613	19224	13970	5254	3306	2347	959	3244	2274	970	709
Barlyǵy		38401	27538	10863	37157	26995	10162	5580	3962	1618	7078	5085	1993	1189
%		100	71,712	28,288	96,761	72,651	27,349	15,017	71,004	28,996	19,049	71,842	28,158

Testileý nátıjesimen kelispegen bitirýshilerdiń kelesi kúni saǵat 14:00-ge deıin árbir pýnktte qurylǵan apelásıalyq komısıaǵa shaǵymdanýǵa quqyqtary bolady. Apelásıaǵa ótinishter test tapsyrmalarynyń mazmuny boıynsha da, tehnıkalyq sebepter boıynsha da qabyldanady.

Apelásıaǵa ótinishti berý barysynda bitirýshiniń árbir test tapsyrmasy boıynsha testileý nátıjelerimen kelispeıtin negizdemesimen berý kerek.

2016 jyly 3 maýsymda Respýblıkalyq apelásıalyq komısıanyń qaraýyna barlyǵy 123 ótinish kelip tústi. Onyń ishinde 25 test tapsyrmasy qanaǵattandyryldy, ıaǵnı jalpy qoldanǵan test tapsyrmalarynyń 0,5-ti quraıdy. Negizinde bul apelásıalar qazaq tilinen, matematıka, Qazaqstan tarıhy pánderinen boldy.

Kelip túsken ótinishterdi qanaǵattandyrýdyń negizgi sebebi:

-         ártúrli avtorlardyń oqýlyqtaryndaǵy oqylýdyń aıyrmashylyǵy;

-         tehnıkalyq sebepter, onyń ishinde baspalyq qateler.

Sonymen qatar, ótý deńgeıinen óte almaǵan bitirýshiler aǵymdaǵy jyly qaıta keshendi testileý tapsyrý arqyly joǵary oqý oryndarynyń aqyly negizde oqýǵa túsýine quqyly. Qaıta keshendi testileýge qatysý úshin ótinishter joǵary oqý oryndarynyń qabyldaý komısıalarynda tamyz aıynyń 1-si men 8-i aralyǵynda qabyldanady, al testileý tamyz aıynyń 19-y men 24-i aralyǵynda ótkiziledi. 

---